Конкурс на рок-гімн
«Музыкальная газета» абвясьціла конкурс на найлепшы гімн беларускага рок-н-ролу. Тэкст мусіць быць па-беларуску, зь мінімумам патасу і максымумам энэргіі. У якасьці прыкладу прыводзіцца расейскі «Всё это рок-н-ролл» Канстанціна Кінчава. За напісаньне музыкі мусіць узяцца Лявон Вольскі. Лявон пакідае за сабой права ўносіць свае карэкціроўкі ў тэкст пераможцы конкурсу. Па дамоўленасьці з арганізатарамі «Рок-каранацыі», прэзэнтацыя гімну мае адбыцца ў наступным годзе. Свае тэксты можна апублікаваць на сайце http://www.nestor.minsk.by/mg у разьдзеле «Артыкулы+».
СБ
❏
Патаемны «Вялес»
Аргкамітэт літаратурнай прэміі «Гліняны Вялес» з 1 лістапада пачаў разгляд прэтэндэнтаў на сёлетнюю ўзнагароду. У адрозьненьне ад мінулых гадоў, адкрытага разгляду кніг праз Інтэрнэт не прадугледжваецца: прэтэндэнтамі будуць лічыыца толькі кнігі, дасланыя ў аргкамітэт (211413, Полацак-13, п/с 14, «Гліняны Вялес», Алесю Аркушу). На сайце litara.net Алесь Аркуш паведаміў, што першай з дасланых была кніга прозы Югасі Каляды.
АВ
Цяпер чытаюць
Як склаўся лёс інтэрнацыянальных дзяцей, якіх выхоўвалі ў Жодзіне ў першым у Беларусі дзіцячым доме сямейнага тыпу?5
Каментары