Kapitan futbolnaha klubu «Kaścioł»

Kali Karala Vajtyłu spytali, ci nie zabaroniena kardynału katacca na łyžach, jon adkazaŭ, što kardynału zabaroniena kiepska katacca na łyžach.

Jan Pavał II byŭ pieršym papam-spartoŭcam. Jon hulaŭ u futboł, kataŭsia na hornych łyžach, płavaŭ, usio žyćcio chvareŭ za polski futbolny klub «Krakovija».

Śmierć pantyfika adsunuła na druhi plan čverćfinalnyja matčy futbolnaj Lihi čempijonaŭ, raźviazku prestyžnaha tenisnaha turniru ŭ Majami, inšyja spabornictvy. U subotu ŭ Italii, za niekalki hadzin da śmierci Jana Paŭła II, byli admienienyja ŭsie spartovyja spabornictvy ŭik-endu. Admianili matčy futbolnaha čempijanatu ŭ Polščy i Meksycy, niadzielnyja hulni ŭ pieršynstvach Hišpanii i Partuhalii pačalisia z chviliny maŭčańnia. 4 krasavika na krakaŭskim futbolnym stadyjonie adsłužyli śviatuju imšu. Z malenstva Karal Vajtyła chvareŭ za tamtejšuju «Krakoviju» i paźniej, užo za časami pantyfikatu, zaŭždy cikaviŭsia jejnymi vystupleńniami. Choć ciapier u polskim čempijanacie zusim inšy favaryt — «Visła».

Sam Karal Vajtyła — Jan Pavał II, kab nie abraŭ šlach śviatara, moh by stać niakiepskim spartoŭcam. Padčas vučoby ŭ Vadovicach jon hulaŭ u futboł — spačatku jak abaronca, potym jak hałkiper. U 1953 h. Karal Vajtyła pieršy raz vybraŭsia na spłaŭ na bajdarkach pa Mazurach. Vyciečki stali štohadovymi i tradycyjnymi. Tak, u 1958 h. padčas analahičnaha spłavu ŭ Mazurach pryjšła viestka, što jaho abrali krakaŭskim vikarnym biskupam. Aŭtastopam Karal Vajtyła pryjechaŭ u Krakaŭ, adbyŭ uračystaści i — viarnuŭsia na Mazury, spłaŭlacca dalej na bajdarkach ź siabrami. Zimoj Karal Vajtyła baviŭ volny čas katańniem na hornych łyžach ci vandravańniem pa Tatrach. Zachavaŭ spartovyja zvyčki jon i paśla pierajezdu ŭ Rym. Tady jašče kardynał Vajtyła kožnuju volnuju chvilinu vybiraŭsia ŭ hory dy zaachvočvaŭ da hetaha padnačalenych, u jakich duch zachoplivała ad harnałyžnaha spusku. Usim viadomy nastupny fakt, kali Karala Vajtyłu spytali, ci nie zabaroniena kardynału katacca na łyžach, jon adkazaŭ, što kardynału zabaroniena kiepska katacca na łyžach.

U žniŭni 2004 h. u Vatykanie byŭ stvorany departament sportu, a paśla śmierci pantyfika prezydent Italjanskaha alimpijskaha kamitetu Džani Patručy zajaviŭ: «Adyšoŭ papa spartoŭcaŭ».

Poŭny varyjant artykułu čytajcie ŭ papiarovaj i pdf-versii hazety "Naša Niva"

Padrychtavaŭ Aleh Rajaviec

• 0
• 0
• 0
• 0
• 0
• 0
• 0
• 0