Biezalternatyŭnyja vybary deputataŭ pałaty pradstaŭnikoŭ čakajucca ŭ dzieviaci za 110 akruh Biełarusi. Najbolšaja kolkaść takich akruh zafiksavana
na Homielščynie.
U dzieviaci akruhach vybarščyku dajecca nadzvyčaj šyroki vybar pamiž «za» ci «suprać». Kandydaty ŭžo ciapier mohuć ličycca deputatami, bo pry adsutnaści alternatyvy vybarščyk zvyčajna hałasuje «za», a nia «suprać», kab nie pryjšłosia druhi raz ciahnucca na ŭčastak.
Homielščyna ŭ hetuju kampaniju trymaje biezumoŭnaje liderstva: piać ź dzieviaci ščaślivych akruhaŭ raźmiaščajucca mienavita va Ŭschodnim Paleśsi, jakoje ŭ 2001 h. padało najbolš hałasoŭ za A.Łukašenku. U čatyroch takich akruhach iduć dziejnyja deputaty pałaty pradstaŭnikoŭ. Jašče adzin vyrazny pradstaŭnik partyi ŭłady — były ministar sielskaj haspadarki, ciapier kiraŭnik adździaleńnia pasolstva Biełarusi ŭ Rasiei Michaił Rusy — abraŭ dla siabie Žytkavickuju akruhu. U astatnich balatujucca dyrektary škołaŭ.
Dźviuma biezalternatyŭnymi akruhami vyznačyłasia Bieraściejščyna. U Ivacevickaj balatujecca Alaksandar Śviryd, jaki prajšoŭ u pałatu ŭ hetaj samaj akruzie čatyry hady tamu. Akruhovaja kamisija rasčyściła jamu darohu, admoviŭšy ŭ rehistracyi Ŭładzimieru Radzivončyku (AHP), u składzie inicyjatyŭnaj hrupy jakoha nibyta znajšli hramadzian inšaje krainy.
Poŭnaściu hety artykuł možna pračytać u papiarovaj i pdf-versii "Našaj Nivy"
HCH
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»59
Kamientary