FIFA abnarodavała novy rejtynh-list. Zbornaja Biełarusi zhubiła vosiem pazycyj
Zbornaja Biełarusi straciła vosiem pazycyj i zajmaje ciapier 72‑ie miesca, majučy na svaim rachunku 443 punkty (ŭ traŭni było 469 punktaŭ). Panižeńnie rejtynhu źviazana z tym, što biełarusy niekalki dzion tamu dvojčy prajhrali baŭharam u adboračnych hulniach da čempijanatu Eŭropy‑2008.
Chto pobač: 70-je miesca zajmaje Venesueła (452 punkty), 71‑ie — Belhija (444). 73‑ie — Trynidad i Tabaha (433), 74-je Aman (432).
Supierniki pa našaj adboračnaj hrupie majuć nastupnyja vyniki: Niderlandy — 9‑ie miesca (minus try pazycyi. Halandcy hetyja adboračnyja tury prapuskali), Rumynija — 12‑ia (1068 punktaŭ), Baŭharyja — 33‑ia (829), Ałbanija — 69‑ia (454 punkty), Słavienija — 89‑ia (366), Luksemburh — 174‑y (41 punkt).
Susiedzi: Ukraina — 13‑ia (1044), Polšča — 18‑ia (933), Rasieja — 24‑ia (893), Litva — 79‑ia (404), Łatvija — 107-ja (281).
Pieršaja dziasiatka: Italija, Francyja, Brazylija, Niamieččyna, Arhientyna, Partuhalija, Hišpanija, Anhlija, Niderlandy, Čechija.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary