Jak źbiełarusizavać mabilniki

Ja sam napisaŭ list‑prośbu ŭ hałoŭny ofis karparacyi Samsung u Seule i ŭ rehijanalnaje pradstaŭnictva ŭ Kijevie (u Biełarusi niama firmovaha centru prodažu słuchałak). Ale «maŭčańnie było mnie adkazam»... Z pošty Redakcyi.

Niadaŭna my nabyli novuju słuchaŭku Samsung. Telefon dobry, stylovy dyzajn, u naładkach jość 16 movaŭ meniu, u tym liku amal usich našych krainaŭ‑susiedziaŭ — rasiejskaj, ukrainskaj, litoŭskaj, łatyskaj. Ale niama biełaruskaj.

I handlar, što pradaŭ nam słuchaŭku, nia zmoh navat adkazać na pytańnie «Čamu ŭ Biełarusi niama meniu telefona na biełaruskaj movie?», bo heta pytańnie nie ź jaho kampetencyi.

Biełaruś zastajecca adzinaj krainaj u Eŭropie, dla jakoj nie vyrablajucca mabilnyja telefony z meniu na nacyjanalnaj movie. Heta prosta niepavaha, abraza našaj krainy, razhladańnie jaje tolki jak terytoryi dla zbytu svaich tavaraŭ.

Z raźvićciom sotavaj suviazi ŭ Biełarusi źjaŭlajucca spažyŭcy, jakija chacieli b karystacca słuchaŭkami mienavita na svajoj movie. Ja biaź ciažkaściaŭ znajšoŭ tolki siarod svaich znajomych, siabroŭ i svajakoŭ paŭtara dziasiatku čałaviek, što aktyŭna padtrymali hetuju prapanovu.

Lideram na biełaruskim rynku słuchavak jość paŭdniovakarejskaja karparacyja Samsung. Jana lidziruje i ŭ «biełarusizacyi» — praciahły čas padaje słohany svajoj pradukcyi ŭ vonkavaj i televizijnaj reklamie na biełaruskaj movie.

Biełarusizacyja telefonnaha softu chutčej za ŭsio adbyłasia b praz hetuju kampaniju. Jana mahła b dasłać biełaruskamoŭnaje prahramnaje zabieśpiačeńnie ŭ Miensk, u svoj firmovy ramontna‑servisny centar «Aśpirs». A tekst prahramy, jak mnie kazali specyjalisty, zajmaje kala dźviuch staronak. Pierakład možna było b zrabić z dapamohaju valanteraŭ, naprykład, z Tavarystva biełaruskaj movy.

Ja sam napisaŭ list‑prośbu ŭ hałoŭny ofis karparacyi Samsung u Seule i ŭ rehijanalnaje pradstaŭnictva ŭ Kijevie (u Biełarusi niama firmovaha centru prodažu słuchałak). Ale «maŭčańnie było mnie adkazam». Mabyć, adna pčała miodu nie nanosić... Kali b karparacyja atrymała šmat listoŭ, heta było b padstavaju ŭpeŭnić kiraŭnictva j zrušyć sytuacyju.

Ja źviazvaŭsia z pradstaŭnikom Samsung‑u ŭ Biełarusi, ale jana nie prymaje rašeńni takoho ŭzroŭniu.

I ź dziaržaŭnych orhanaŭ, što rehulujuć dziejnaść u halinie mabilnaj suviazi, pryjšli biurakratyčnyja adpiski. Realnym krokam było b, kab vyrabnikam sotavych telefonaŭ paviedamili, što nadalej u Biełarusi buduć standartyzavacca tolki novyja słuchaŭki, u jakich možna ŭstalavać meniu na biełaruskaj movie. Ale Dziaržkamitet pa standartyzacyi zajaviŭ, što nia maje ŭpłyvu na standartyzacyju słuchavak, a tolki vyznačaje patrabavańni da systemy suviazi j ramontu sotavych telefonaŭ. Miž radkoŭ lista Ministerstva suviazi čytajecca, što im nia treba meniu ŭ sotavych telefonach na nacyjanalnaj movie («biełorusskij i russkij jazyki ... javlajutsia ravnopravnymi, i ni odin iz nich nie javlajetsia dominirujuŝim»).

Chaču źviarnucca da čytačoŭ hazety z prośbaju dasłać listy (pažadana pa‑anhielsku) u kampaniju Samsung, z prośbaju raspracavać soft dla mabilnych telefonaŭ u Biełarusi na biełaruskaj movie.

Adrasy dla dasyłki listoŭ: Infarmacyjny Centar Samsung dla spažyŭcoŭ, a/s 140, Kijeŭ—70, UKRAINA 04070 abo: Samsung Electronics Co. Ltd, Samsung Main Bldg., 250 Taepyung Ro, 2Ga, Chung Ku, Seoul, KOREA, 100742.

Prašu taksama vykazać svaje mierkavańni pa hetym pytańni — budu rady prapanovam i ŭdakładnieńniam, jakija možna dasłać mnie: [email protected].

• 0
• 0
• 0
• 0
• 0
• 0
• 0
• 0