Fatalnaje rašeńnie harvykankamu
Mienharvynkam dazvoliŭ chadzić «Maršam Svabody» tolki pa placy Banhałor. Hetaje abraźlivaje rašeńnie spravakavała žorstkuju reakcyju demanstrantaŭ.
Zajaŭniki akcyja prasili, kab 17 kastryčnika manifestantam dazvolili sabracca na placy Jakuby Kołasa i adtul šeściem nakiravacca na plac Niezaležnaści. Pasiedžańnie Mienharvykankamu vioŭ staršynia Ŭł.Jarmošyn. Z boku zajaŭnikaŭ prysutničali V.Viačorka (BNF), A.Janukievič («Małady Front»), Z.Bandarenka («Chartyja '97»), A.Labiedźka (AHP), V.Ščukin (deputat Viarchoŭnaha Savietu), V.Ivaškievič (redaktar hazety «Rabočy») dy inšyja. Jarmošyn matyvavaŭ źmienu miesca akcyi tym, što 16—17 kastryčnika na praspekcie Mašerava budzie kirmaš, i milicyja nia zdoleje zabiaśpiečyć paradak u centry.
Čamu ŭłady śviadoma pajšli na abvastreńnie sytuacyi? Pradstaŭnik «Chartyi '97» Źmicier Bandarenka miarkuje: «Hetyja ludzi — maryjanetki. Ich nichto nie vybiraŭ, jany nie niasuć nijakaje adkaznaści pierad narodam. I paśla straty lehitymnaści prezydentam Łukašenkam 21 lipienia jany taksama absalutna nielehitymnyja na siońniašni momant, ale źjaŭlajucca hrupaj, jakaja maje siłu. Było bačna, što ludzi parušajuć zakon, bo pavodle biełaruskaha zakanadaŭstva Mienharvykankam maje prava źmianić čas i miesca praviadzieńnia akcyi, ale nia typ mierapryjemstva. A zajaŭka była padadzienaja na demanstracyju. U Kanstytucyi Biełarusi harantujecca svaboda šeściaŭ i demanstracyjaŭ. Tamu čynoŭniki hruba parušyli zakanadaŭstva».
Niahledziačy na zabaronu harvykankamu, apazycyjanery sabrali narod a 12-j hadzinie na placy Jakuba Kołasa.
Napiaredadni Maršu ŭražvała sapraŭdnaja panika ŭładaŭ. Začyniali niezaležnyja hazety, vulicy pierakopvali: kala Banhałoru vulicu Kulman, začynili most na vulicy Janki Kupały, abviaścili kirmašy, na subotu-niadzielu zrabili biaspłatnym naviedvańnie kino i parkaŭ. Nie dapamahło. Staŭleńnie ludziej na vulicach da demanstrantaŭ u hety raz było nadzvyčaj pryjaznym.
Źmicier Snapkoŭski
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary