Brytanskija daśledčyki źmieryli chutkaść, ź jakoj žychary vialikich haradoŭ prachodziać pieški 18 metraŭ. Samymi chutkimi haradami na Ziamli akazalisia Synhapur, Kapenhahien i Madryd.
Brytanskija daśledčyki źmieryli chutkaść, ź jakoj žychary vialikich haradoŭ prachodziać pieški 18 metraŭ. Samymi chutkimi haradami na Ziamli akazalisia Synhapur, Kapenhahien i Madryd.
Daśledavańni achapili harady z 32 krainaŭ. Na vośmym miescy siarod samych chutkich haradoŭ śvietu apynuŭsia Ńju‑Jork, Londan — na 12‑m, a Tokijo — na 17‑m. Samymi marudnymi haradami akazalisia Błantyr u Małavi i Manama ŭ Bachrejnie.
Temp žyćcia ŭ vialikich haradach značna paskoryŭsia na praciahu apošnich 10 hadoŭ — vynikaje z brytanskich daśledavańniaŭ. U Synhapury chutkaść, ź jakoj chodziać žychary, uzrasła na praciahu dziesiacihodździa na cełych 30 adsotkaŭ.
«Hetaje paskareńnie budzie ŭpłyvać na bolšuju kolkaść ludziej, čym da hetaha času, bo ŭpieršyniu ŭ historyi bolšaść žycharoŭ planety žyvie ŭ haradach», — ličyć prafesar Ryčard Vajzman z universytetu ŭ Chartfardšyry.
Jon tłumačyć hetaje paskareńnie sučasnymi technalohijami. «U našyja časy, kab vysłać e‑mail, dastatkova nacisnuć na «vysłać», i kali adrasat nie adkazvaje na praciahu 10 chvilinaŭ, čałaviek pačynaje dumać: «Što jon, kab jaho trasca ŭziała, robić?» — kaža prafesar.
Siaredni temp, ź jakim žychary vialikich haradoŭ prachodziać 18 metraŭ, składaje 10,55 sekundy ŭ Synhapury, 10,82 sekundy ŭ Kapenhahienie i 10,89 sekundy ŭ Madrydzie. U Ńju‑Jorku — 12 sekundaŭ, u Londanie 12,7. Žychary Paryžu apynulisia na 16‑m miescy z 12,17 sekundaŭ, žychary Atavy — na 20‑m z 13,72 sekundaŭ. 30‑ie miesca zaniali žychary Bernu z 17,37 sekundaŭ.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach15
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia66
Kamientary