Biełaruski zabudoŭščyk admoviŭsia ad budaŭnictva žylla pa litoŭskim prajekcie z-za prablem z łahistykaj
ZP «Hierbielinviest» admoviłasia ad budaŭnictva žylla pa litoŭskim prajekcie. Pra heta na
Pavodle jaho słoŭ, pieršapačatkova płanavałasia budaŭnictva piaci čerhaŭ damoŭ z vykarystańniem kanstrukcyj litoŭskich vytvorcaŭ.«Ale pytańnie z łahistykaj było słaba prapracavana. Zdaryłasia tak, što dastaŭka kanstrukcyj stała dla nas asnoŭnaj prablemaj», — paviedamiŭ Frejtak.
Pieršapačatkova pradukcyja hruziłasia na aŭtamabilny, potym čyhunačny transpart z dalejšaj pierahruzkaj iznoŭ na aŭtamabilny. Potym jana dastaŭlałasia tolki aŭtatranspartam, ale jon pa niekalki sutak prastojvaŭ na miažy i mytni. U vyniku ŭ tydzień atrymlivałasia rabić pa adnym rejsie, što zaciahvała budaŭnictva.
Heta «niesupastaŭna pa terminach i raschodach». «Ja dumaju, što naša rašeńnie ab spynieńni litoŭskaha prajekta apraŭdana. Ja nie dumaju, što chtości z zabudoŭščykaŭ pojdzie pa našym šlachu, choć była sproba administracyi Frunzienskaha rajona, ale kali my raskazali ŭsiu praŭdu pra košt, admovilisia», — paviedamiŭ pieršy namieśnik dyrektara.«Uličvajučy takuju tendencyju, my vyrašyli pačatyja damy dabudavać, čaho b heta nam ni kaštavała, a straty vialikija. Astatnija damy my budujem na kanstrukcyjach MAPID», — paviedamiŭ Frejtak.
Akramia taho, pavodle jaho słoŭ, na zhortvańnie prajekta paŭpłyvaŭ valutny kryzis minułaha hoda.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary