Incydent adbyŭsia 6 listapada kala 22.45.
Partyzanskim (Minska) rajonnym adździełam Śledčaha kamiteta Biełarusi pa hetym fakcie ŭzbudžanaja kryminalnaja sprava pa častcy 2 artykuła 339 KK (złosnaje chulihanstva).
Złačynstva było ździejśnienaje kala 22.45 6 listapada. Nieviadomyja kinuli na terytoryju pasolstva dźvie butelki z «kaktejlem Mołatava». Nichto nie paciarpieŭ.
Uzharańnie zhasili litoŭskija palicyjanty, jakija achoŭvajuć pasolstva.
«Učorašni incydent nie paŭpłyvaŭ na našu pracu, — paviedamiła radyjo «Svaboda» presavy sakratar ambasady Vita Naŭjakajcicie. — Ambasada pracuje ŭ zvyčajnym režymie. I choć siońnia ŭ Biełarusi śviatočny dzień, dla nas jon zastacca zvyčajnym pracoŭnym dniom. Razmovaŭ pra toje, što ŭ nas moža niešta źmianicca, niama».
Pasolstva Litvy ŭ Minsku pieradało notu pratestu Ministerstvu zamiežnych spraŭ Biełarusi.
Pres-słužba litoŭskaha zamiežnapalityčnaha viedamstva, sa svajho boku, adznačaje, što "ŭ Ministerstva zamiežnych spraŭ budzie vyklikany kiraŭnik dypłamatyčnaha pradstaŭnictva Biełarusi, ad jakoha zapatrabujuć, kab Biełaruś jak bok, jaki prymaje harantavała ažyćciaŭleńnie pałažeńniaŭ Vienskaj kanviencyi ab biaśpiecy dypłamatyčnych pradstaŭnictvaŭ, a adkaznyja biełaruskija viedamstvy nieadkładna pryniali naležnyja miery pa vyjaŭleńni vinavatych ataki i pryciahnieńniu ich da adkaznaści".
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary