U Baranavičach taksama kładuć asfalt u łužyny — fota
«My razumiejem, što heta hłupstva, ale načalstva skazała — treba rabić».
Pra toje, što asfalt kładuć prosta ŭ łužyny, haziecie «Intex-press» paviedamiła čytačka. Jana pabačyła heta ŭ Paŭdniovym mikrarajonie horada.
Pa słovach čytački, na jaje zaŭvahu ramontniki adkazali. «My razumiejem, što heta hłupstva, ale načalstva skazała — treba rabić».
Va UKRBP «Baranavičyrambud», jakaja zajmajecca ramontam hetaha ŭčastka vulicy, «Intex-press» paviedamili, što technałohija dazvalaje ŭkładvać asfalt u takoje nadvorje.
Adnak pradstaŭnik adnoj z darožnych arhanizacyj Baranavičaŭ u kamientary vydańniu vykazaŭ sumnieńni na hety kont.
«Narmatyvy, być moža, i dazvalajuć układku asfalta ŭ takoje nadvorje, ale na praktycy padobnymi ekśpierymientami zajmacca nie varta.
Siońnia ŭ horadzie, naprykład, amal na ŭsich učastkach, dzie pravodzicca zamiena darožnaha pakryćcia, praca staić — nichto nie ryzykuje zajmacca ramontam u takoje nadvorje. Bo asnova, na jakuju ŭkładvajecca asfalt, pavinna być suchoj — heta adno z najvažniejšych patrabavańniaŭ, kab atrymać jakasnaje asfaltabietonnaje pakryćcio»,— adznačyŭ jon.
Na dumku śpiecyjalista, chutčej za ŭsio stan hetaj vulicy nastolki aburyŭ aŭtamabilistaŭ i administracyju bližejšych kramaŭ, što darožniki, stamiŭšysia ad skarhaŭ, machnuli rukoj na jakaść.
U Minsku znoŭ kłali asfalt u vadu – fotafakty
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary