U vyšuk jon byŭ abvieščany vosieńniu 2011 h., rašajecca pytańnie pra jaho ekstradycyju.
Hienieralnaja prakuratura Biełarusi ciapier rychtuje materyjały dla ekstradycyi z Polščy byłoha kiraŭnika ZAT «Chołdynhavaja kampanija «Pinskdreŭ» Łarana Aryniča.
Jak paviedamili ŭ Hienprakuratury, raniej biełaruski bok užo nakiroŭvaŭ u Polšču prośbu ab časovym aryšcie Aryniča da atrymańnia materyjałaŭ ab jaho vydačy.
Razam z tym u Hienprakuratury nie zmahli prakamientavać infarmacyju polskich ŚMI ab aryšcie Aryniča.
Ab tym, što były hiendyrektar aryštavany, stała viadoma 29 žniŭnia. Polskaje ahienctva druku (PAD) paviedamiła, što zatrymańnie adbyłosia paśla zvarotu pradstaŭnikoŭ biełaruskaha adździaleńnia Interpoła da polskaj palicyi.
Palicyja vyśvietliła, što Arynič zdymaje dom u Radamie, za 100 kiłamietraŭ na poŭdzień ad Varšavy. Była naładžana zasada dla nazirańnia za domam i rajonam. Kali palicyja pierakanałasia, što ŭ domie žyvie mienavita Arynič, jaho zatrymali. Pavodle infarmacyi PAD, Arynič byŭ vielmi ździŭleny zatrymańniu, ale nie supraciŭlaŭsia.Jon dastaŭleny ŭ palicejski ŭčastak, dzie budzie čakać rašeńnia suda pa pytańni ab jaho ekstradycyi ŭ Biełaruś.
Łaran Arynič znachodzicca ŭ mižnarodnym vyšuku jak abvinavačany pa kryminalnaj spravie.Sprava była raspačata paśla pažaru, jaki adbyŭsia 25 kastryčnika 2010 hoda ŭ cachu pa vytvorčaści draŭnianastružačnych plit STAA
- 20 lipienia 2011 hoda tahačasny hienprakuror Ryhor Vasilevič paviedamiŭ žurnalistam, što Arynič znachodzicca ŭ Polščy. «U vyšuk nie abjaŭlaŭsia, bo pakul niama źviestak, što jon uchilajecca ad jaŭki (pa vykliku śledčych orhanaŭ)», — skazaŭ Vasilevič.
- 22 vieraśnia taho ž hoda ŭ dačynieńni da Aryniča była vyniesiena pastanova ab prymianieńni da jaho miery strymańnia ŭ vyhladzie ŭtrymańnia pad vartaj, a 20 kastryčnika jaho abjavili ŭ vyšuk.
- 23 sakavika 2012 hoda byli abvieščanyja pryhavory pa spravie ab vybuchu na pradpryjemstvie. U jakaści abvinavačanych pierad sudom paŭstali byłyja hałoŭny inžynier «ZAT «Chołdynhavaja kampanija «Pinskdreŭ» Uładzimir Šastakoŭ, dyrektar
- Sud pryznaŭ usich troch vinavatymi. Leanid Łohvin pryznany vinavatym u słužbovaj chałatnaści i pryhavorany da 4 hadoŭ abmiežavańnia voli biez nakiravańnia ŭ papraŭčuju ŭstanovu adkrytaha typu. Ihara Łohvina i Uładzimira Šastakova sud pryznaŭ vinavatymi ŭ parušeńni pažarnaj biaśpieki, što paciahnuła hibiel ludziej i naniasieńnie materyjalnaha ŭronu ŭ bujnym pamiery. Ihar Łohvin pryhavorany da pazbaŭleńnia voli terminam na try hady z nakiravańniem u papraŭčuju kałoniju va ŭmovach pasialeńnia, Šastakoŭ pryhavorany da takoha ž pakarańnia na 4 hady.
Kamientary