Kastryčnickim (Minska) rajonnym adździełam Śledčaha kamiteta Biełarusi 27 žniŭnia raspačata sprava pa artykule 428 KK (słužbovaja chałatnaść, što mieła vynikam pa nieaściarožnaści ciažkija nastupstvy) u dačynieńni da žycharki Minskaha rajona 1989 hoda naradžeńnia, jakaja pracuje majstram učastka adnaho z ŽEU Kastryčnickaha rajona Minska, paviedamiŭ aficyjny pradstaŭnik Upraŭleńnia SK pa Minsku Alaksandr Hierasimaŭ.
7 maja dzieci katalisia na čatyrochmiesnaj kruhavoj karusieli ŭ dvary doma № 68 pa vulicy Łandara. NahaTraŭma była kvalifikavanaja jak ciažkaje cialesnaje paškodžańnie, ažyćciaŭlałasia chirurhičnaje ŭmiašańnie ŭ RNPC traŭmatałohii i artapiedyi, chłopčyku, chutčej za ŭsio, spatrebicca jašče adna apieracyja.10-hadovaha chłopčyka trapiła ŭ mantažnuju adtulinu ŭ padłozie karusieli, i dzicia atrymała zakryty pierałom ściehnavoj kości sa źmiaščeńniem.
Było ŭstanoŭlena nienaležnaje vykanańnie słužbovych abaviazkaŭ asobaj, upaŭnavažanaj zabiaśpiečvać techničny stan dziciačaha hulniavaha abstalavańnia. Vytvorcam karusieli pradpisana, što paśla jaje mantažu techničnaja adtulina ŭ abaviazkovym paradku pavinna być zakrytaja lukam z dapamohaj bałtoŭ abo zvarki. Adnak adtulina ŭ padłozie była adkrytaja, i dzicia atrymała ciažkuju traŭmu, choć u žurnałach, jakija zapaŭniajuć majstry ŽEU, stan hulniavaha abstalavańnia ŭ hety dzień byŭ acenieny jak technična spraŭny. Pa prykmietach słužbovaj chałatnaści ŭ dačynieńni da majstra ŭčastka i była raspačata kryminalnaja sprava.
Maksimalnaje pakarańnie, praduhledžanaje art. 428 KK Respubliki Biełaruś, pazbaŭleńnie voli na termin da 5 hadoŭ z pazbaŭleńniem prava zajmać peŭnyja pasady abo zajmacca peŭnaj dziejnaściu.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary