U centry Minska moža aficyjna załunać Pahonia
MZS Litvy pahadziłasia, kab histaryčny ściah z Pahoniaj vyviešvaŭsia la dypłamatyčnych pradstaŭnictvaŭ krainy za miažoj.
Ministerstva zamiežnych spraŭ Litoŭskaj Respubliki zhadžajecca, kab histaryčny ściah Litvy z Pahoniaj vyviešvaŭsia la dypłamatyčnych pradstaŭnictvaŭ krainy za miažoj.
Ministerstva zamiežnych spraŭ choča, kab u Zakonie ab dziaržaŭnym ściahu źjaviŭsia nastupny zapis:«Hruntujučysia na normach mižnarodnaha prava, dypłamatyčnych pratakołach i histaryčnych tradycyjach litoŭski histaryčny ściah pavinien zaŭsiody vyviešvacca pobač, nad abo pablizu dypłamatyčnych pradstaŭnictvaŭ Litoŭskaj Respubliki, konsulstvaŭ ci filijałaŭ hetych ustanoŭ abo pablizu budynkaŭ śpiecyjalnych misij, jakija isnujuć za miažoj».
Na dumku kanclera MZS Litvy Vałdasa Łatsaŭskasa Pahonia na čyrvonym fonie źjaŭlajecca nieadjemnaj častkaj litoŭskaj hieraldyki, jakaja pradstaŭlaje staražytnuju i słaŭnuju historyju dziaržaŭnaści Litvy. «Vykarystańnie histaryčnaha ściaha vielmi važna dla ŭmacavańnia pazityŭnaha imidžu Litvy ŭ śviecie, jano spryčynicca da stymulavańnia mižnarodnaj supolnaści da zacikaŭleńnia historyjaj našaj krainy», — napisaŭ kancler u śpiecyjalnaj zajavie. Na dumku kanclera histaryčny ściah pradstaŭlaje Litvu jak krainu ciarpimaści i šmatnacyjanalnuju.
Ciapier pa zakonie histaryčny ściah abaviazkova vyviešvajecca tolki pry Karaleŭskim pałacy, zamku ŭ Trokach (Trakai) i vajskovym muziei ŭ Koŭnie (Kaŭnasie).
***
Zaraz kala pasolstva Litvy ŭ Minsku vyviešvajucca dziaržaŭny žoŭta-zialona-čyrvony ściah i ściah ES.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary