Histaryčnyja budynki, jakija nie vykarystoŭvajucca bolš jak dva hady i nie byli pradadzieny na aŭkcyjonie, płanujecca pieradavać inviestaram za adnu bazavuju vieličyniu, paviedamiŭ načalnik upraŭleńnia pa achovie
Ministerstva kultury padrychtavała prajekt ukaza, jaki daść mahčymaść inviestaram nabyvać zakinutyja histaryčnyja budynki (u vypadku adsutnaści na ich popytu z boku ŭdzielnikaŭ aŭkcyjonaŭ) za adnu bazavuju vieličyniu (ciapier jana składaje Br100 tys.). Heta daść mahčymaść stymulavać cikavaść inviestaraŭ da adnaŭleńnia staradaŭnich damoŭ, pierš za ŭsio radavych siadzib u Biełarusi.
U krainie sfarmiravany pieralik radavych siadzib, jakija prapanujecca pieradać inviestaram na lhotnych umovach. Praduhledžvajecca, što biźniesmieny paśla rekanstrukcyi buduć vykarystoŭvać histaryčnyja abjekty ŭ pieršuju čarhu dla pryjomu turystaŭ i akazańnia turpasłuh. Ciapier inviestaram pieradadziena kala dziesiaci radavych siadzib. Siarod ich siadziba Bišeŭskich u vioscy Łyntupy (Pastaŭski rajon) i siadziba ŭ vioscy Kraski (Vaŭkavyski rajon).
Raniej za toje, kab pieradavać inviestaram za simvaličnuju płatu zakinutyja radavyja siadziby, jakija nie vykarystoŭvajucca abo vykarystoŭvajucca nie pa pryznačeńniu, vystupiła Ministerstva sportu i turyzmu. U krasaviku 2012 hoda namieśnik ministra sportu i turyzmu Časłaŭ Šulha źviartuŭ uvahu na toje, što pieradać siadziby biźniesmienam płanujecca z adnoj umovaj — jak minimum piać hadoŭ vykarystańnia ich u turystyčnych metach.
-
Draŭlany kanstruktyvizm pad koŭš: u Hrodnie źniščyli adzin histaryčny dom i ŭzialisia za druhi
-
Hledačy Teatra lalek sychodziać, nie dahledzieŭšy śpiektakla. Čamu?
-
«Svaje — heta słova, jakoje dla mianie vyznačaje teatr». Vialikaja hutarka z akcioram Michasiom Zujem pra scenu, kamandu i teatr u emihracyi
Byłoha supracoŭnika kontrraźviedki KDB aryštavali za zdradu dziaržavie9
Kamientary