«Konsułaŭ Biełarusi ŭ Polščy — 12, i polskich konsułaŭ z pravam vydačy viz u Biełarusi taksama 12», — skazaŭ jon.
Pavodle jaho słovaŭ, pa čatyry polskich konsuły pracujuć u Minsku, Breście i Hrodnie. Pry hetym jon adznačyŭ, što roźnica pamiž pracaj biełaruskich konsułaŭ u Polščy i polskich u Biełarusi takaja, što ŭ 2011 hodzie «jany vydali 70 tys. viz, a my vydali ŭ Biełarusi 300 tys. viz», pieradaje Gazeta Wyborcza.
«Prablema z vydačaj viz u Biełarusi ŭźnikaje praz toje, što ŭ nas zanadta mała konsułaŭ. Tamu my jašče raz zaklikajem Biełaruś pavialičyć kolkaść polskich konsułaŭ z paŭnamoctvami vydavać vizy ŭ Biełarusi, tym bolš što ŭ nas jość šmat zajavaŭ na vizu. My mahli b razhledzieć da 100 tys. bolš zajavaŭ», — skazaŭ jon.
Takoha ž mierkavańnia prytrymlivajecca i hienieralny konsuł Polščy ŭ Hrodnie Andžej Chadkievič. «Kala dvuch hadoŭ štohod raście na 50% kolkaść vydadzienych viz, ale z tym ža likam konsułaŭ. Heta asnoŭnaja prablema. Kali b u nas było bolš konsułaŭ, vydavali b bolš viz», — ličyć dypłamat.
Jak paviedamlaŭ Telehraf, u MZS Biełarusi nie bačać nieabchodnaści ŭ pavieličeńni liku polskich konsulskich supracoŭnikaŭ u respublicy.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia1
Kamientary