Pad Lidaj vyjaŭleny padpolny miasny cech, jaki vyrablaŭ niajakasnuju ježu
Supracoŭnikami padraździaleńniaŭ pa baraćbie z ekanamičnymi złačynstvami Minska vyjaŭlena i spryniena dziejnaść padpolnaha cecha pa vytvorčaści miasnoj pradukcyi.
Jak paviedamili ŭ HUUS Minharvykankama, u kancy sakavika ŭ pole zroku apieratyŭnikaŭ BEZ trapiła partyja vantrabianki, jakaja realizujecca na bujnych minskich rynkach. Heta pradukcyja vyklikała surjoznyja sumnieńni ŭ jakaści, u suviazi z čym milicyjaniery, skanfiskavali prykładna 300 kh padazronaha dalikatesu i pačali vyśviatlać jaho pachodžańnie.
U vyniku ŭ adnoj ź viosak Lidskaha rajona Hrodzienskaj vobłaści byŭ vyjaŭleny padpolny cech pa pierapracoŭcy miasnych subpraduktaŭ. Akazałasia, što nielehalnuju vytvorčaść arhanizavała adna ź miascovych žycharak.
Jana zajmałasia nabyćciom (nie kłapociačysia pra jakaść), pastaŭkaj nieabchodnych inhredyjentaŭ i na terytoryi ŭłasnaha padvorka arhanizavała cech pa pryhatavańni vantrabianki.Pry hetym nie tolki nie vykonvalisia patrebnyja dla padobnaj vytvorčaści sanitarnyja normy, ale havorka navat nie išła pra elemientarnyja paniaćci hihijeny.
Adnosna jakaści kančatkovaha praduktu adnaznačnyja vysnovy zrabili śpiecyjalisty Minskaha haradskoha centra hihijeny i epidemijałohii, jakija pryznali, što kanfiskavanaja miasnaja pradukcyja škodnaja dla zdaroŭja i nieprydatnaja da ŭžyvańnia ŭ ježu.
U dadatak da ŭžo vyklučanaj partyi niepasredna pa miescy vytvorčaści apieratyŭniki vyjavili jašče 340 kh hatovaha da realizacyi kantrafaktu.
Ciapier uvieś vyjaŭleny abjom falsifikavanaj vantrabianki źniščany šlacham pachavańnia na śpiecyjalnym palihonie. U dačynieńni da žančyny, jakaja arhanizavała niezakonnuju vytvorčaść, Maskoŭskim (Minska) adździełam Śledčaha kamiteta raspačata kryminalnaja sprava pavodle č. 1 art. 233 KK (niezakonnaja pradprymalnickaja dziejnaść). Pravodzicca rasśledavańnie.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty15
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary