Letam radyjo «Junistar» realizuje prajekt New line pa pošuku i prasoŭvańni novych biełaruskich vykanaŭcaŭ. Ab hetym 7 maja paviedamiła žurnalistam u Minsku dyrektar pa markietynhu i raźvićci radyjostancyi Maryna Navyšnaja.
Pavodle jaje słoŭ, z ulikam patrabavańniaŭ da biełaruskich radyjostancyj zabiaśpiečyć 75% ajčynnaj muzyki ŭ efiry vostra staić prablema jakasnaj muzyki.
«My viedajem, što na radyjo kruciacca kampazicyi biełaruskich vykanaŭcaŭ, jakim užo hadoŭ dziesiać, a moža być, i bolš. Ničoha nie mianiajecca. Adny i tyja ž ludzi, kampazicyi, hałasy», — skazała pradstaŭnik «Junistar».
Talenavityja maładyja vykanaŭcy časta imihryrujuć ź Biełarusi, adznačyła Navyšnaja. Bolšaść ža dastupnych biełaruskich kampazicyj, pavodle źviestak daśledavańniaŭ radyjostancyi, vyklikaje žadańnie ŭ słuchačoŭ pieraklučycca na inšuju častatu.
Što da biełaruskich hurtoŭ i muzykantaŭ, uklučanych u «čorny śpis» zabaronienych u Biełarusi, to, pavodle słoŭ Navyšnaj, jany nie traplajuć u farmat radyjostancyi.
«Heta nie adpaviadaje našamu muzyčnamu farmatu, tamu my nie byli zakłapočanyja tym, kab ubrać ich z efiru abo zapoŭnić ich kimści inšym», — skazała pradstaŭnik «Junistar».
Jak zajaviła Navyšnaja, z ulikam takoj situacyi radyjo «Junistar» hatova brać u ratacyju novyja biełaruskija kamandy i sadziejničać zapisu ich kampazicyj na jakasnym uzroŭni.
Prahramny dyrektar «Junistar» Julija Zaŭharodniaja paviedamiła, što pieršy etap prajekta płanujecca pravieści ŭ lipieni. Heta budzie kancert maładoha biełaruskaha hurtu «Ajova» z Mahilova, jaki ŭjaŭlajecca «Junistar» pierśpiektyŭnym hurtom.
U liku novych prajektaŭ «Junistar» — taksama pieršaje drukavanaje vydańnie pra radyjo «Encykłapiedyja «Junistar», u jakim sabrany fakty ab dziesiacihadovaj historyi radyjostancyi, prafiesijnyja terminy. Vydańnie vyjšła nakładam 500 asobnikaŭ i budzie raspaŭsiudžvacca siarod partnioraŭ radyjostancyi.
Akramia taho, u červieni 2012 hoda płanujecca vychad pieršaha ŭ Biełarusi mabilnaha dadatku «Junistar» dla smartfonaŭ na płatformach iOS (Apple) i Android. Biaspłatny dadatak dazvolić apieratyŭna atrymlivać infarmacyju ab prapanovach «Junistar»: rozyhryšach kaštoŭnych padarunkaŭ, turystyčnych puciovak, biletaŭ na samyja značnyja kulturnyja padziei i inš.
Pavodle źviestak daśledčaj kampanii HIEVS, radyjo «Junistar» u pieršym kvartale 2012 hoda zajmała treciaje miesca pa kolkaści słuchačoŭ u Minsku (10,1%) paśla «Ruskaha radyjo» (24,2%) i «Radyjo Roks» (16,6%).Dola rynku radyjostancyi ŭ Minsku ŭ hrašovym vyražeńni skłała tracinu. Pavodle słoŭ pradstaŭnika radyjostancyi, asnoŭnaja aŭdytoryja — ludzi 25–35 hadoŭ: «aktyŭnyja, adukavanyja, aryjentavanyja na jeŭrapiejskija kaštoŭnaści».
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki2
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary