Pytańnie supracoŭnictva Biełarusi ź Mižnarodnym valutnym fondam lažyć u palityčnaj płoskaści. Pra heta zajaviła kiraŭnik Nacyjanalnaha banka Nadzieja Jermakova 3 maja žurnalistam u Minsku, adkazvajučy na pytańnie ab davańni krainie novaha kredytu MVF.
Pavodle jaje słoŭ, niepasredna kiraŭnictva MVF padtrymlivaje pazicyju, što ź Biełaruśsiu treba pracavać. Jermakova adznačyła, što padčas vizitu ŭ Vašynhton u kancy krasavika ŭ jaje byli sustrečy z kiraŭnictvam fondu. «Jany vykazvali svaju hłybokuju pavahu tamu, što zroblena Biełaruśsiu za apošnija paŭhoda i jakich my dabilisia vynikaŭ. Jany buduć nas padtrymlivać pry pryniaćci rašeńnia (pra novuju kredytnuju prahramu), — skazała Jermakova. — Viadoma, u MVF šmat krain, jakija mohuć nie padtrymać. ES moža i nie padtrymać. Zamova jość zamova. Ale spadziajusia, što ćviarozy rozum pieravažyć».
Pry hetym Jermakova padkreśliła, što Biełarusi nie stolki patrebny kredyty MVF, kolki techničnaja i inšaja dapamoha fondu.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary