Alaksandr Łukašenka zapatrabavaŭ u karotkija terminy vypracavać adziny pravavy akt pa pytańniach rehulavańnia ŭ śfiery palaŭnictva i rybałoŭstva.Pra heta jon zajaviŭ 19 krasavika na naradzie pa pytańniach raźvićcia śfiery palaŭnictva i rybałoŭstva, paviedamiła
«Davajcie na praciahu karotkaha času, dapuścim, da kanca pieršaha paŭhodździa, prymiem adziny narmatyŭny pravavy akt, kab im mahli kiravacca ŭsie, chto choča palavać i rybačyć», — skazaŭ Łukašenka. Prymajučy rašeńni ŭ śfiery palaŭnictva i rybałoŭstva, «treba brać za ŭzor tyja zamiežnyja krainy, dzie ceniać pryrodu».
«Usie chočuć pastralać i parybačyć z zadavalnieńniem, ale za zadavalnieńnie treba płacić, i rabić treba ŭsio vyklučna pa zakonie, u adpaviednaści z tym paradkam, jaki zasnavany.
Kali hetaha nie budzie, vierniemsia da taho, što było 20 hadoŭ tamu: pavybivali ŭsio — i žyvoje, i miortvaje, źniščali rybu elektravudačkami»,— zajaviŭ Łukašenka.
Va ŭradzie pad kiraŭnictvam
łasia — 1.886 asobin, abo 286% da ŭzroŭniu 2005 hoda, alenia — 714 (384%), dzika — 28,5 tys. (amal 500%).Dachody ad palaŭničaj haspadarčaj dziejnaści ŭ paraŭnańni z 2005 hodam uzraśli ŭ 14 razoŭ, u tym liku ad zamiežnaha palaŭničaha turyzmu ŭ 283 razy. Akupnaść palaŭničaj haspadarki krainy ŭzrasła z 58% u 2005 hodzie da 133% u 2011 hodzie.
Vyłaŭ ryby z rybałoŭnych uhodździaŭ krainy ŭ 2011 hodzie pavialičyŭsia na 163% da ŭzroŭniu 2005 hoda.
Urad razhledzieŭ šerah prapanoŭ Biełaruskaha tavarystva palaŭničych i rybałovaŭ ab udaskanaleńni paradku ŭ śfiery viadzieńnia palaŭničaj i rybałoŭnaj dziejnaści. U pryvatnaści, nie znajšła padtrymki prapanova ab stvareńni novaha asobnaha dziaržorhana, jaki b ažyćciaŭlaŭ dziaržaŭnaje kiraŭnictva ŭ śfiery palaŭnictva i rybałoŭnaj haspadarki. Urad padtrymlivaje prapanovu adnavić z 2013 hoda štohadovuju dziaržaŭnuju pošlinu za prava palavańnia z nakiroŭvańniem hetych srodkaŭ šlacham biudžetnaha finansavańnia na vykanańnie ahulnadziaržaŭnych bijatechničnych mierapryjemstvaŭ, takich, naprykład, jak padkormka, raźvićcio papulacyi žyvioł i ryb, baraćba z šalenstvam, navukovaje zabieśpiačeńnie rehulavańnia kolkaści niepažadanych vidaŭ i inš.
Hienieralny prakuror Alaksandr Kaniuk zaznačyŭ, što brakańjeram u pieravažnaj bolšaści vypadkaŭ vynosicca apraŭdaŭčy pryhavor. Jon ličyć nieabchodnym zrabić bolš žorstkimi isnujučyja praviły viadzieńnia palaŭnictva i ŭstanaŭleńnie kryminalnaj adkaznaści za brakańjerstva. Hienieralnaja prakuratura hatova dapamahčy ŭ pracy nad adpaviednymi zakanadaŭčymi aktami.
Łukašenka zajaviŭ pra nieabchodnaść skarektavać isnujučyja praviły palavańnia.
«Kaliści ŭ nas byŭ poŭny bardak z Praviłami darožnaha ruchu. Milicyja ŭnosiła kožny hod źmianieńni. Jak tolki ŭkazam prezidenta byli zaćvierdžany hetyja praviły, dyk z taho času tolki adzin raz, napeŭna, unosilisia źmianieńni. I razboj spyniŭsia!Moža, i tut pajści hetym šlacham? Vypracavać praviły, jakija buduć mieć faktyčna siłu zakona, i zaćvierdzić?» — skazaŭ jon.
Padčas narady zakranałasia pytańnie pracy Minskaha kamvolnaha kambinata. Łukašenka daručyŭ unieści prapanovy pa raźvićci hetaha pradpryjemstva, zabieśpiačeńni jaho syravinaj.
«Syravinu budziem brać u krainie. A heta — raźvićcio aviečkahadoŭli. Tamu rychtujcie płan raźvićcia aviečkahadoŭli z hetaha hoda i płan budaŭnictva novaha pradpryjemstva.Abo, moža, na bazie ŭžo isnujučaha, kudy my zaviaziom pa technałohii novaje abstalavańnie, budziem vyrablać narmalnyja šarścianyja tkaniny i vyrašym, narešcie, prablemu hetaha pradpryjemstva», — zajaviŭ biełaruski kiraŭnik.
Kamientary