Raniej jon užo pryciahvaŭsia da kryminalnaj adkaznaści za zhvałtavańnie.
U dačynieńni 32-letniaha minčuka zaviedziena sprava za hvałtoŭnyja dziejańni seksualnaha charaktaru. Jak paviedamiła pres-aficer Frunzienskaha RUUS Ała Hałubovič, złačynstva było ździejśniena ŭviečary 20 studzienia ŭ adnym z šmatpaviarchovikam rajona Sucharava. Minčuk, viartajučysia napadpitku dachaty, u tralejbusie źviarnuŭ uvahu na dziaŭčynu, jakaja siadzieła pobač, rušyŭ uśled za joj i zajšoŭ ź joj u lift.
U kabinie lifta mužčyna, pahražajučy, staŭ patrabavać ustupić ź im u seksualnuju suviaź, niekalki razoŭ udaryŭšy svaju achviaru. U niejki momant dziaŭčyna zmahła nacisnuć knopku lifta, i dźviery adkrylisia. Vyskačyŭšy na leśvičnuju placoŭku, jana stała zvanić u svaju kvateru i da susiedziaŭ.
Napadnik paśpiašaŭsia pa leśvicy ŭniz, a praź niekalki imhnieńniaŭ za im kinuŭsia brat paciarpiełaj. Złačynca schavaŭsia ŭ adnym z adkrytych tamburaŭ, a brat zastaŭsia čakać supracoŭnikaŭ milicyi la ŭvachodu ŭ padjezd. Praź niekatory čas hvałtaŭnik byŭ zatrymany supracoŭnikami milicyi.
Zatrymanym apynuŭsia žychar susiedniaha mikrarajona, jaki raniej pryciahvaŭsia da kryminalnaj adkaznaści za zhvałtavańnie i chulihanstva.Jamu pahražaje da siami hadoŭ pazbaŭleńnia svabody.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki8
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary