Prajekt Aleha Łukaševiča budzie iści ad 30 studzienia da 2 lutaha na «Biełaruś 1».
Telekanał «Biełaruś 1» pačynaje 30 studzienia pakaz čarhovaha cykłu filmaŭ aŭtarskaha dakumientalnaha prajekta Aleha Łukaševiča «Epocha», pryśviečanaha Napaleonu Ordu, paviedamili ŭ
Cykł z čatyroch filmaŭ padrabiazna pradstavić žyćcio i tvorčaść viadomaj asoby, u jakoj spałučałasia šmat talentaŭ: mastaka, muzyki, pijanista, kampazitara, piśmieńnika, piedahoha, architektara, publicysta, navukoŭca.
Šyrokuju viadomaść jamu prynieśli papularnyja albomy vidaŭ histaryčnaj radzimy.Napaleon Orda źjaviŭsia na śviet ŭ majontku Varacevičy (ciapier Janaŭski rajon). U Janavie, u siamiejnym sklepie, jon i pachavany.
Zdymačnaja hrupa Biełteleradyjokampanii pracavała nad prajektam na praciahu dvuch hadoŭ i praviała zdymki ŭ Polščy, Francyi, Biełarusi— u miescach, jakija pamiatajuć znakamitaha ziemlaka.
Sapraŭdnaje adkryćcio było zroblena ŭ Francyi, dzie ŭdałosia znajści pramych naščadkaŭ Napaleona Ordy. Teležurnalistam pradstavili aryhinalnyja fatahrafii, dakumienty, asabistyja rečy, jakija zachoŭvalisia ŭ siamiejnym archivie i dahetul nie byli šyroka viadomyja. Hledačy ŭbačać unikalny rarytet — siamiejny albom Napaleona Ordy, draŭlanuju vokładku jakoha vyrazaŭ sam mastak. Zachavalisia fota Ordy i jaho svajakoŭ.
Taksama znojdzieny testamient mastaka, składzieny 20 krasavika 1883 hoda ŭ Varšavie.
Dakumientalny prajekt «Epocha Napaleona Ordy» budzie demanstravacca ad 30 studzienia da 2 lutaha ŭ viačernim efiry telekanała «Biełaruś 1».
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary