Pra heta žoncy Bialackaha paviedamili siońnia ŭ staličnym harsudzie.
Razhlad kasacyjnaj skarhi pravaabaroncy Alesia Bialackaha ŭ Minskim haradskim sudzie pryznačany na 24 studzienia. Pra heta žoncy Bialackaha paviedamili siońnia ŭ staličnym harsudzie.
9 studzienia jana pryjšła ŭ sud, kab atrymać dazvoł na spatkańnie z mužam. «Adnak tam joj skazali, što ŭ sud užo pastupili dakumienty ŭ dačynieńni da Bialackaha, i razhlad jaho kasacyjnaj skarhi pryznačany na 10 hadzin ranicy 24 studzienia», — paviedamiŭ kaleha Bialackaha Valancin Stefanovič.
Jon taksama nahadaŭ, što pravaabaroncy sabrali amal usiu sumu, nieabchodnuju dla pahašeńnia ŭronu, jaki nibyta nanios dziaržavie asudžany Bialacki. «Pavodle źviestak na 6 studzienia, na rachunak žonki Bialackaha pastupiła 735 młn. 59 tys. rubloŭ dobraachvotnych achviaravańniaŭ. Ciapier my prapracoŭvajem pytańnie ab tym, jak pieraličyć hetyja hrošy dziaržavie — na jaki rachunak, jak ažyćciaŭlajecca pracedura i hetak dalej. Spadziajomsia, heta paŭpłyvaje na rašeńnie Minharsuda ab źmiakčeńni pryhavoru Bialackamu», — zaznačyŭ Stefanovič.
Pry hetym jon padkreśliŭ: pahašeńnie sumy škody, vyznačanaj sudom, nie aznačaje pryznańnia viny Alesia Bialackaha.
Nahadajem,
* * *
Zaraz asudžany pravaabaronca ŭtrymlivajecca ŭ śledčym izalatary Žodzina. Zhodna z prysudam, Bialacki pavinien vypłacić dziaržavie 757 młn. 526 tys. 717 rubloŭ (kala 90 tys. dołaraŭ) nibyta dla kampiensacyi ŭronu, naniesienaha niavypłataj padatkaŭ.
Mižnarodnaja demakratyčnaja hramadskaść, kiraŭnictva Jeŭrasajuza, ZŠA i šerahu inšych krain ličać vyniesieny pravaabaroncu prysud palityčna matyvavanym i patrabujuć ad uład Biełarusi biezumoŭnaha vyzvaleńnia Bialackaha.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary