Пра гэта жонцы Бяляцкага паведамілі сёння ў сталічным гарсудзе.
Разгляд касацыйнай скаргі праваабаронцы Алеся Бяляцкага ў Мінскім гарадскім судзе прызначаны на 24 студзеня. Пра гэта жонцы Бяляцкага паведамілі сёння ў сталічным гарсудзе.
9 студзеня яна прыйшла ў суд, каб атрымаць дазвол на спатканне з мужам. «Аднак там ёй сказалі, што ў суд ужо паступілі дакументы ў дачыненні да Бяляцкага, і разгляд яго касацыйнай скаргі прызначаны на 10 гадзін раніцы 24 студзеня», — паведаміў калега Бяляцкага Валянцін Стэфановіч.
Ён таксама нагадаў, што праваабаронцы сабралі амаль усю суму, неабходную для пагашэння ўрону, які нібыта нанёс дзяржаве асуджаны Бяляцкі. «Паводле звестак на 6 студзеня, на рахунак жонкі Бяляцкага паступіла 735 млн. 59 тыс. рублёў добраахвотных ахвяраванняў. Цяпер мы прапрацоўваем пытанне аб тым, як пералічыць гэтыя грошы дзяржаве — на які рахунак, як ажыццяўляецца працэдура і гэтак далей. Спадзяёмся, гэта паўплывае на рашэнне Мінгарсуда аб змякчэнні прыгавору Бяляцкаму», — зазначыў Стэфановіч.
Пры гэтым ён падкрэсліў: пагашэнне сумы шкоды, вызначанай судом, не азначае прызнання віны Алеся Бяляцкага.
Нагадаем,
* * *
Зараз асуджаны праваабаронца ўтрымліваецца ў следчым ізалятары Жодзіна. Згодна з прысудам, Бяляцкі павінен выплаціць дзяржаве 757 млн. 526 тыс. 717 рублёў (каля 90 тыс. долараў) нібыта для кампенсацыі ўрону, нанесенага нявыплатай падаткаў.
Міжнародная дэмакратычная грамадскасць, кіраўніцтва Еўрасаюза, ЗША і шэрагу іншых краін лічаць вынесены праваабаронцу прысуд палітычна матываваным і патрабуюць ад улад Беларусі безумоўнага вызвалення Бяляцкага.
Каментары