Hłabalizacyja — hałoŭny faktar prahresu ciapierašniaj Rasii
Aleś Čajčyc piša pra revielacyjny sud Bierazoŭskaha z Abramovičam.
Na minułym tydni Rasija padpisała doŭhačakanaje pahadnieńnie z Hruzijaj, jakoje adčyniaje šlach da siabroŭstva RF u Suśvietnaj handlovaj arhanizacyi. Adnačasova z hetym adna z najbolš hučnych temaŭ u navinach maskoŭskich ŚMI — sud pamiž Ramanam Abramovičam i Barysam Bierazoŭskim, jaki adbyvajecca ŭ Łondanie i vykryvaje cikavyja detali zakuliśsia rasijskaj palityki i bujnaha biznesu dziesiacihadovaj daŭniny.
Abiedźvie hetyja źjavy — na maju dumku, pierakanaŭčyja prykłady taho, jak hłabalizacyja, a, dakładniej,
intehracyja Rasii ŭ mižnarodnyja instytuty, ciapier źjaŭlajecca adnym z samych važnych faktaraŭ jaje raźvićciana fonie abmiežavanych unutranych stymułaŭ da pieraŭtvareńniaŭ.
Dałučeńnie Rasii da SHA nie tolki sprościć žyćcio rasijskim mietałurham i vytvorcam uhnajeńniaŭ, jakim skasujucca drakonaŭskija antydempinhavyja taryfy na zamiežnych rynkach.
Členstva ŭ SHA zdymie šerah štučnych pieraškodaŭ dla impartu zamiežnych tavaraŭ u Rasiju, što źnizić spažyvieckija ceny i pryviadzie da padvyšeńnia kankurencyi.Heta biassprečna ŭdychnie krychu śviežaha pavietra ŭ manapalizavanuju i karumpavanuju rasijskuju ekanomiku. Rasijskim pradpryjemstvam daviadziecca mabilizoŭvacca i padvyšać svaju efiektyŭnaść — u siarednie- i doŭhaterminovaj pierśpiektyvie heta biassprečna vialiki plus (cikavaja hutarka na temu — tut).
Zamiežnyja sudy (pieradusim u Łondanie i Stakholmie) ŭsio čaściej vykarystoŭvajucca jak placoŭka dla raźbiralnictvaŭ pamiž bujnymi rasijskimi pradprymalnikami,čyja viera ŭ niejtralnaść i abjektyŭnaść rasijskich sudoŭ zastajecca nizkaju. Bierazoŭski i Abramovič — tolki adzin z mnohich prykładaŭ. Mahčyma, što mnohija rečy, jakija hučać na hetym pracesie, za jakim sočyć usia Rasija, nie prahučali b u sudzie na terytoryi RF — voś jašče bonus ad hłabalizacyi i niepaźbiežnaha bolš ščylnaha pryviazvańnia Rasii da Zachadu.
Praces mižnarodnaj intehracyi Rasii budzie praciahvacca, bo jon adpaviadaje intaresam rasijskaj elity,jakaja nie pierastaje aryjentavacca na zachodnija spažyvieckija standarty, zachodniuju adukacyju i hramadskija i ekanamičnyja instytuty — jakaja choča adčuvać siabie žycharami Jeŭropy nasupierak lubomu reakcyjanizmu ŭ rytorycy tych ci inšych dziaržaŭnych dziejačoŭ. Na paradku dnia stajać navat pieramovy pra ŭviadzieńnie biaźvizavaha režymu Rasii ź Jeŭrapiejskim źviazam.
Pa čutkach, u maskoŭskich kansulatach niekatorych zachodniejeŭrapiejskich krainaŭ ciapier navat vahajucca nakont zakupu darahoha abstalavańnia dla źniaćcia bijamietryčnych dadzienych— navošta tracicca, kali praz paru hadoŭ šenhienskija vizy dla rasijcaŭ mohuć skasavać?
Viadoma, niemahčyma hetaksama zaniacca tym, što ŭ dziełavoj terminałohii zaviecca «aŭtsorsynham», u dačynieńni da instytutaŭ hramadzianskaj supolnaści i pahatoŭ palityčnaj kultury. Ale pacichu ruchać i hetyja rečy hłabalizacyja taksama zdolnaja. Hałoŭnaje, kab hetym razam boh usio ž daŭ Rasii hadoŭ chacia b dziesiać «pokoja, vnutrieńnieho i vniešnieho».
-
Hetych prafiesij nie zamienić štučny intelekt. Biełarusy mohuć lohka atrymać takuju adukacyju ŭ Jeŭropie
-
«Temu hienacydu biełaruskaha naroda prydumali rasijanie i padsunuli heta ŭ jakaści scenaryja dla mabilizacyi biełarusaŭ»
-
Ci možna budavać Biełaruś pa-za miežami Biełarusi? Dyskutavali Jahoraŭ, Harbacki, Juhasia Kalada
Kamientary