Maryna Adamovič zajaŭlaje pra biesčałaviečnaje ŭździejańnie ŭ kałonii na Mikałaja Statkieviča.
Hramadzianskaja žonka
Jak zajaviła Maryna Adamovič, kala dvuch miesiacaŭ ad Statkieviča nie pastupała nijakaj infarmacyi. «Na siońnia nijakaja infarmacyja ad jaho nie vychodzić. Vyzvalenyja śviedčać, što jaho pad kanvojem vodziać navat u stałovuju. Ja nie viedaju, što tam naohuł adbyvajecca.
Ad jaho byŭ karotki adnachvilinny zvanok baćku i taki ž karotki zvanok dačce. Mnie jamu telefanavanać nie dazvalajuć, listoŭ niama naohuł»,— adznačyła Adamovič.
Pavodle jaje słoŭ, u Mikałaja Statkieviča balić ruka, ale dla jaho vyznačyli vierchnija nary, kudy zabracca z adnoj zdarovaj rukoj vielmi prablematyčna. Akramia taho, administracyja pieraškadžaje zaklučeńniu ich šlubu, matyvujučy tym, što zajava ad Statkieviča zhubiłasia.
«Da jaho prymianiajecca biesčałaviečnaje abychodžańnie. Pa mižnarodnych aznačeńniach heta možna nazvać katavańniami»,— havoryć Adamovič.
Jana vykazvaje padziaku mahiloŭskim pravaabaroncam, jakija sadziejničajuć raspaŭsiudžvańniu infarmacyi pra Statkieviča.
U svaju čarhu, jak zajaviła demakratyčnaja aktyvistka Kryścina Šacikava, aktyvisty demakratyčnych ruchaŭ Mahilova aformili Mikałaju Statkieviču padpisku na časopis Arche, adpravili jamu kala dvuch dziasiatkaŭ paštovak sa słovami padtrymki i infarmacyjaj ab tym, što listy ad asudžanaha nie dachodziać.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary