U prostaj viaskovaj škole, dzie vučycca Kola Łukašenka, dva basiejny - videa
Tut praviedzieny kapitalny ramont z madernizacyjaj, jaki kaštavaŭ 14 młrd dadevalvacyjnych rubloŭ.
1 vieraśnia ŭ liku bolš jak 17,3 tysiačy biełaruskich pieršakłaśnikaŭ upieršyniu adčyniŭ dźviery škoły małodšy syn kiraŭnika dziaržavy Kola Łukašenka.
Na pieršuju ŭračystuju liniejku ŭ škole Astrašyckaha Haradka (Minski rajon) jon pryjšoŭ z baćkam. Alaksandr Łukašenka vystupiŭ pierad navučencami, paśla čaho ŭvazie dziaciej byŭ prapanavany teatralizavany pakaz.
Škoła ŭ Astrašyckim Haradku zasnavana ŭ 1863 hodzie.
Tut praviedzieny kapitalny ramont z madernizacyjaj, jaki, pavodle apošnich źviestak, kaštavaŭ 14 młrd. rubloŭ. U škole jość płavalny basiejn ź dźviuma čašami — 12 mietraŭ i 25 mietraŭ. U troch pieršych kłasach sioleta buduć vučycca 43 čałavieki, a ŭsiaho škołu buduć naviedvać 407 vučniaŭ.
U škole pravodziacca fakultatyŭnyja zaniatki, skiravanyja na vyvučeńnie pradmietaŭ na pavyšanym uzroŭni, a taksama muzyčnaj, mastackaj, teatralnaj, chareahrafičnaj, spartyŭnaj skiravanaści, infarmuje dziaržaŭnaje ahienctva BiełTA. Arhanizavana praca hurtkoŭ i spartyŭnych siekcyj. Ź minułaha navučalnaha hoda ŭ škole pravodzicca navučańnie ŭ čatyroch śpiecyjalizavanych spartyŭnych kłasach — adździaleńniach pa chakiei z šajbaj Respublikanskaha centra padrychtoŭki pa zimovych vidach sportu "Raŭbičy". Vypuskniki naroŭni z atestatam ab siaredniaj adukacyi majuć mahčymaść atrymać paśviedčańnie ab prafiesijnaj padrychtoŭcy pa adnoj sa śpiecyjalnaściaŭ: vadziciel, traktaryst-mašynist, kraviec, pradaviec.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Kamientary