Ministerstva justycyi Biełarusi admoviła ŭ rehistracyidaśledča-aśvietnamu abjadnańniu «Havary praŭdu!», jakoje ŭznačalvaje kandydat u prezidenty na vybarach 2010 hoda Uładzimir Niaklajeŭ.
Jak paviedamiŭ adzin z zasnavalnikaŭ abjadnańnia Siarhiej Vaźniak, 22 žniŭnia jon atrymaŭ adkaz na zajaŭku ab rehistracyi za podpisam načalnika ŭpraŭleńnia pa pytańniach niekamiercyjnych arhanizacyj Miniusta Aleny Kiryčenki. «U tekście lista nazvana tolki adna pretenzija da zasnavalnikaŭ. Pavodle mierkavańnia Kiryčenki, my pavinny byli padać nie tolki harantyjny list ab davańni „Havary praŭdu!“ jurydyčnaha adrasa (taki list u Miniust byŭ padadzieny razam ź inšymi rehistracyjnymi dakumientami), ale i dakumienty, što paćviardžajuć prava ŭłasnaści na heta pamiaškańnie», — adznačyŭ Vaźniak.
Jak vynikaje ź lista Miniusta,
heta parušeńnie maje «nieadolny charaktar».
«Ja liču, što Miniust parušaje zakanadaŭstva, — zajaviŭ Vaźniak. — U zakonie „Ab hramadskich abjadnańniach“ skazana, što zasnavalnik pavinien padać „dakumient, jaki paćviardžaje najaŭnaść jurydyčnaha adrasa hramadskaha abjadnańnia“. Takim dakumientam źjaŭlajecca harantyjny list ułaśnika, jaki my padali. Zakon nie patrabuje dakumienta, jaki paćviardžaje prava ŭłasnaści na heta pamiaškańnie. Ale i hety dakumient u nas jość. Pavodle patrabavańnia Miniusta my b mahli b jaho padać, ale takoha patrabavańnia nie było. Naš „niedachop“ nie maje „nieadolnaha charaktaru“. I ja navat zaraz, na praciahu hadziny, mahu padać u Miniust nieabchodnyja dakumienty».
Jon miarkuje, što Miniust — heta struktura, jakaja pavinna nie tolki kantralavać vykanańnie zakanadaŭstva, ale i «pracavać, dapamahać, kansultavać zajaŭnikaŭ hramadskich abjadnańniaŭ». «Za miesiac, na praciahu jakoha razhladalisia našy dakumienty na rehistracyju, možna było patelefanavać i skazać, jakoha dakumienta nie chapaje. My b usio padali. Tym bolš što, zhodna z zakonam, my majem na heta prava — dapaŭniać dakumienty na rehistracyju. Ale nichto nam ničoha nie skazaŭ», — adznačyŭ Vaźniak.
Rašeńnie ab nierehistracyi DAA «Havary praŭdu!» budzie abskardžana ŭ Viarchoŭnym sudzie najbližejšym časam.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna4
Kamientary