Staršynia BAŽ prakamientavała zatrymańni i źbićcio žurnalistaŭ
Staršynia hramadskaha abjadnańnia «Biełaruskaja asacyjacyja žurnalistaŭ» Žanna Litvina prakamientavała pres-słužbie BAŽ hvałtoŭnyja dziejańni ŭ dačynieńni da biełaruskich i zamiežnych žurnalistaŭ, jakija aśviatlali «maŭklivuju» akcyju ŭ Minsku i inšych haradach Biełarusi, uviečary 29 červienia:
«Paśla hvałtoŭnaha umiašalnictva ŭ dziejnaść žurnalistaŭ padčas akcyi 22 červienia BAŽ źviarnuŭsia da Ministra ŭnutranych spravaŭ Anatola Kulašova z patrabavańniem pravieści słužbovaje raźbiralnictva pa faktach parušeńnia pravoŭ žurnalistaŭ, vyznačyć vinavatych, prynieści prabačeńnia paciarpiełym žurnalistam.
Siońnia ŭ čarhovy raz pradstaŭniki siłavych strukturaŭ prademanstravali nie tolki hrubaje umiašalnictva ŭ dziejnaść žurnalistaŭ, ale i ihnaravańnie Kanstytucyi Respubliki Biełaruś, biełaruskaha zakanadaŭstva ŭ halinie ŚMI, zhodna ź jakimi žurnalisty majuć prava “prysutničać na massavych mierapryjemstvach, u miescach hramadska važnych padziej i pieradavać adtul infarmacyju”.
Takija dziejańni “siłavikoŭ” nie nadajuć pavahi ŭładnym strukturam, jany mohuć tolki spravakavać nastroj kanfrantacyi ŭ hramadstvie, spryjać raspalvańniu nieparazumieńnia i varožaści».
Nahadajem, što pa apošnich źviestkach uviečary 29 červienia ŭ Minsku i Breście było zatrymana 13 žurnalistaŭ, źbita 3 (siarod ich — dva zamiežnych reparciora), paškodžana, jak minimum, try adzinki prafiesijnaj techniki.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Kamientary