Carkvu płanujuć rekanstrujavać, kab viarnuć joj toj vyhlad, jaki jana mieła ŭ CHII stahodździ.
Biełaruskija navukoŭcy sumiesna z architektarami płanujuć adnavić histaryčnaje abličča adnaho z samych viadomych ajčynnych pomnikaŭ architektury — Barysahlebskaj (Kałožskaj) carkvy, raźmieščanaj u Hrodnie,
paviedamiŭ zahadčyk adździeła archieałohii siarednieviakovaha pieryjadu Instytuta historyi Nacyjanalnaj akademii navuk Biełarusi Alaksandr Miadźviedzieŭ.
Carkvu płanujuć rekanstrujavać, kab viarnuć joj toj vyhlad, jaki jana mieła ŭ CHII stahodździ.
Letam archieołahi pačnuć raskopki vakoł carkvy, kab bolš detalova vyvučyć kulturnyja słai prylehłaj da jaje terytoryi. Tut mohuć być znojdzieny reštki staražytnych pabudoŭ, jakija dapamohuć vučonym vyvučyć historyju hetaha architekturnaha pomnika.
«Archieałahičnyja daśledavańni pravodzilisia tut daŭno, — raskazaŭ Alaksandr Miadźviedzieŭ. — Carkva nie raz zakidałasia, častkova abvalvałasia, pierabudoŭvałasia, kulturnyja słai narastali, mienavita tamu tut nieabchodny dadatkovyja i bolš hłybokija raskopki, jakija my i chočam pravieści».
Čakajecca, što raskopki kala carkvy buduć vykonvacca ŭ niekalki etapaŭ.
«Heta abumoŭlena tym, što Barysahlebskaja carkva — dziejučy chram, našy daśledavańni nie pavinny mocna pieraškadžać jaho rasparadku», — dadaŭ surazmoŭca.
Na asnovie archieałahičnych daśledavańniaŭ vučonyja vyznačać, jakim pieršapačatkova byŭ fundamient carkvy, adździełka ścien i padłohi. «Usio heta daść mahčymaść u budučym adnavić carkvu bolš nabližana da pieršapačatkovaha vyhladu», — padkreśliŭ Alaksandr Miadźviedzieŭ. Akramia archieołahaŭ u raskopkach prymuć udzieł taksama studenty Hrodzienskaha dziaržaŭnaha ŭniviersiteta imia Ja.Kupały.
***
Barysahlebskaja carkva, zasnavanaja ŭ druhoj pałavinie CHII stahodździa, źjaŭlajecca pomnikam staražytnaj biełaruskaj architektury, dzie spałučany rysy hotyki i reniesansu. Hałoŭnaj architekturnaj asablivaściu carkvy stała vykarystańnie ŭ kładcy ścien šlifavanych kalarovych vałunoŭ upieramiežku sa staražytnaj cehłaj, a taksama ŭpryhažeńnie ścien fihurnymi kieramičnymi plitkami, jakija stvarajuć vyjavy kryžoŭ i roznych hieamietryčnych fihur. Chram ličycca adzinym zachavanym budynkam, jaki adnosicca śpiecyjalistami da hrodzienskaj architekturnaj škoły CHII stahodździa, anałahaŭ jakoj niama ŭ historyi ŭschodnich słavian
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro17
Kamientary