Rada BNR hatovaja pradstavić svaju ehidu pieršym demakratyčnym vybaram u Biełarusi
«My miarkujem, što vybary ŭ Biełarusi pavinny prajści, mahčyma, z aporaj na specyjalistaŭ ź mižnarodnych struktur, ale palityčnaja ehida pavinna być biełaruskaja» — Sakratar infarmacyi Rady BNR
Rada Biełaruskaj narodnaj respubliki na vyhnańni hatovaja pradstavić svaju ehidu pieršym demakratyčnym vybaram u Biełarusi, jakija adbuducca paśla padzieńnia režyma Łukašenki. Pra heta ŭ interviju zajaviŭ Mikałaj Pačkajeŭ, Sakratar infarmacyi Rady:
«Pazycyja Rady BNR, jak i demakratyčnych sił Biełarusi, zaklučajecca ŭ nieabchodnaści praviadzieńnia ŭ Biełarusi novych prezydenckich vybaraŭ biez Łukašenki, jaki kanstytucyjna straciŭ prava balatavacca. Taksama pytańnie zaklučajecca ŭ tym, nakolki kalaps režyma Łukašenki pakinie mahčymaść praviadzieńnia vybaraŭ u niejkuju kanstytucyjncuju asambleju, jakaja praviadzie pierainstalacyju dziaržaŭnaści ŭ Biełarusi na demakratyčnych pryncypach pa analohii z, naprykład, ustalavańniem Piataj respubliki ŭ Francyi.
Rada BNR hatova pradstavić svaju ehidu dla praviadzieńnia ŭ Biełarusi novych svabodnych vybaraŭ. Palityčnyja siły ŭ Biełarusi ŭśviedamlajuć, što praviadzieńnie takich vybaraŭ budzie źviazana z składanaściami, i my čujem pra toje, što novyja vybary pavinny być praviedzienyja pad ehidaju Arhanizacyi abjadnanych nacyj, ABSE ci kaho jašče.
My miarkujem, što vybary ŭ Biełarusi pavinny prajści, mahčyma, z aporaj na specyjalistaŭ ź mižnarodnych struktur, ale palityčnaja ehida pavinna być biełaruskaja. Rada BNR hatovaja pradstavić takuju ehidui miarkuje, što praviadzieńnie novych vybaraŭ u Biełarusi pavinna staca punktam kansensusa pamiž siłami, jakija vystupajuć za adnaŭleńnie demakratyi ŭ Biełarusi.»
Całkam interviju čytajcie ŭ hetym błohu: Častka I, Častka II
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary