Navukoŭcy ŭniviersiteta Aryzony daśledavali 85 kramnych kalasak z čatyroch štataŭ ZŠA. Vyniki, atrymanyja padčas vyvučeńnia mazkoŭ, šakavali śpiecyjalistaŭ.Tak, na 72% «paddoślednych» byli vyjaŭlenyja ślady bakteryj. Adpaviedna, naviedvalniki bujnych kramaŭ ź vialikim «pasažyrapatokam» ryzykujuć atrymać razam z praduktami charčavańnia kišečnuju infiekcyju. Što ŭžo kazać pra dziaciej, jakich baćki časta katajuć pa handlovych załach u kalaskach? Zrešty, havorka pra Amieryku. «NH» vyrašyła vyśvietlić, ci prachodziać kalaski i košyki sanitarnuju apracoŭku ŭ biełaruskich kramach i supiermarkietach.
Pradstaŭniki bolšaści handlovych sietak u adkaz na pytańnie tolki razvodziać rukami: «Napeŭna, ich musiać myć».Praŭda, apisać praces hetaha samaha myćcia mahli daloka nie ŭsio.
— U nas kalaski i košyki ŭ kancy kožnaha pracoŭnaha dnia pracirajuć i myjuć admysłovym srodkam, — raskazali ŭ adnoj z kramaŭ «Susiedzi». — Usie patrabavańni sanepidsłužby my vykonvajem.
Praŭda, patrabavańni hetyja davoli abstraktnyja.
— U adpaviednaści z sanitarnymi praviłami ŭsio abstalavańnie na pradpryjemstvach pavinna trymacca ŭ čyścini, — patłumačyła zahadčyca adździaleńnia hihijeny charčavańnia
Inšymi słovami, kalasku abo košyk dosyć pracierci vilhotnaj anučaj z myłam adzin raz na dzień. Praŭda, kab pazbavicca ad usich mikrobaŭ, hetaha niedastatkova.Tak što zaklik myć ruki, pryjšoŭšy dadomu, hučyć vielmi navat aktualna.
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?15
Kamientary