Dźmitryja Miadźviedzia, adnaho ź fihurantaŭ kryminalnaj spravy ab masavych biesparadkach 19 śniežnia ŭ Miensku, aznajomili z materyjałami spravy, jakaja pieradajecca ŭ sud.Jaho abvinavačvajuć pa č.2 st.293 KK RB. Pra heta jaho žonka Taćciana daviedałasia ad advakata.
Taćciana Miadźviedź paviedamiła, što ŭ piatnicu 11 lutaha jana daviedałasia ad advakata, što śledstva skončana, Dźmitryju pradjaŭlenaje kančatkovaje abvinavačańnie — «udzieł u masavych biesparadkach».
Taćciana taksama raspaviała, što joj dazvolili spatkańnie z mužam: «Z prośbaj pra spatkańnie ja źviartałasia trojčy. U pieršy raz jany skazali, što prykładuć maju prośbu da spravy i ŭ kancy śledstva razhledziać mahčymaść spatkańnia. U druhi raz mnie adkazali, što ŭžo ŭ chodzie śledstva razhledziać prośbu pra spatkańnie. I voś užo ŭ treci raz advakat paviedamiŭ mnie, što, chutčej za ŭsio, pakolki sprava idzie ŭ sud, spatkańnie dazvolać. Ja pajechała da śledčaha, i jon daŭ mnie dazvoł na spatkańnie».
Taćciana kaža, što paśla sustrečy z mužam trochi supakoiłasia. Da hetaha jany tolki pierapisvalisia.Piša mužu jana štodnia i adznačaje, što ŭsie listy i pieradačy da jaho dachodziać i jon kožny dzień adkazvaje joj — «kab ja viedała, što ź im tam usio dobra».
«Ja vielmi pieražyvała: što tam, jak jon, ci nie złamaŭsia čałaviek, tamu što luby čałaviek, jaki traplaje tudy, naŭrad ci moža adekvatna na heta ŭsio reahavać. Ubačyła jaho — troški supakoiłasia. Kaža, što ŭsio narmalna — «narmalnaja mužčynskaja abstanoŭka, prablem niama». Na spatkańni ja zmahła navat pakazać zdymki syna (choć usie kazali, što nie dazvolać), jakomu spoŭniŭsia hodzik 16 studzienia — z tatam u adzin dzień naradziŭsia. Muž vieryć u toje, što ŭsio skončycca dobra i nieŭzabavie jon vierniecca dadomu da siamji», — kaža z nadziejaj Taćciana.
Dźmitryj Miadźviedź byŭ zatrymany na płoščy Niezaležnaści 19 śniežnia. Paśla adbyćcia
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary