Milicyja: ustanavili bolš za 120 ŭdzielnikaŭ «biesparadkaŭ» 19 śniežnia
I źmiaścili na svaim sajcie fatahrafii piaci, na jaje dumku, samych aktyŭnych.
U ramkach rasśledavańnia kryminalnaj spravy, jakaja była raspačata pa častkach 1 i 2 artykuła 293 Kryminalnaha kodeksa (masavyja biesparadki), śledčym upraŭleńniem papiaredniaha rasśledavańnia HUUS Minharvykankama
ŭstanoŭlena bolš za 120 čałaviek, jakija aktyŭna ŭdzielničali ŭ masavych biesparadkach 19 śniežnia na płoščy Niezaležnaści ŭ Minsku. Ciapier 31 ź ich pradjaŭlena abvinavačańnie.
Pra heta paviedamili ŭ adździele infarmacyi i hramadskich suviaziaŭ HUUS.
Na svaim sajcie staličnaja milicyja raźmiaściła fatahrafii piaci, miarkujučy pa ŭsim,
samych aktyŭnych udzielnikaŭ padziej na płoščy.«Dačynieńnie nižejzhadanych abvinavačvanych ustanoŭlena šmatlikimi videamateryjałami», — havorycca ŭ paviedamleńni adździeła infarmacyi i hramadskich suviaziaŭ HUUS.
Pieršy ŭ hetym śpisie — Alaksandr Kłaskoŭski 1978 hoda naradžeńnia, žychar Minska. Za im iduć: Mikita Lichavid 1990 hoda naradžeńnia, žychar Minska; Alaksandr Atroščankaŭ 1981 hoda naradžeńnia, žychar Minska; Aleh Fiedarkievič 1961 hoda naradžeńnia, žychar Minska; Uładzimir Chamičenka (h.zv. «Navušnik») 1986 hoda naradžeńnia, žychar Słucka.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary