Babula i dziadula nie addali chłopčyka. Načalnica adździeła adukacyi: I dumki niama jaho zabirać, bo jość baba i dzied.
Pra heta NN paviedamiŭ Uładzimir Chalip. «Siońnia z žonkaj stajali la izalatara KDB, kab pieradać pasyłki. Čarhu spynili zadoŭha da nas. Ludzi pačali buntavać.
Raptam razdaŭsia telefonny zvanok ź dziciačaha sadka, što da Daniły pryjšli z orhanaŭ apieki», — paviedamlaje U.Chalip.
Jahonaja žonka adrazu kinułasia da sadka, a sam Chalip zastaŭsia čakać mahčymaści zrabić pieradaču.
Trochhadovy syn kandydata ŭ prezidenty Andreja Sańnikava i žurnalistki Iryny Chalip chodzić u dziciačy sadok u rajonie pražyvańnia baćkoŭ.
Maci Iryny Chalip, babula Daniły, Lucyna mieła razmovu z pradstaŭnikami orhanaŭ apieki nakont dalejšaha losu ŭnuka.
Andrej Sańnikaŭ i Iryna Chalip znachodziacca ŭ śledčym izalatary KDB. Pakul baćki ŭ niavoli małoje znachodziłasia ŭ babuli i dziaduli.
U vyniku razmovy Lucyna Chalip napisała zajavu nad apieku nad chłopčykam. Praŭda, jaje papałochali, što hety praces vielmi doŭhi i marudny.
Lucyna Chalip padkreśliła, što rabotnicy orhanaŭ apieki byli vyklučna karektnymi. U razmovie z žurnalistami pradstaŭniki Partyzanskaha adździeła adukacyi abvierhli čutki, što jany chacieli zabrać chłopčyka z sadka.
«Ničoha takoha», — zajaviła Luboŭ Dziejchina. Dziejchina padkreśliła, što ŭ chłopčyka jość baba i dzied, jakija mohuć im zajmacca.
Ź jaje słovaŭ, orhany apieki abaviazany prosta znajści svajakoŭ dziciaci i pierakanacca, što tyja buduć im zajmacca.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary