«Ja dumaju tolki pra adzin prezidencki termin», — zajaviŭ 28 kastryčnika padčas prezientacyi svajoj źniešniepalityčnaj daktryny pretendent na pasadu prezidenta, lidar kampanii «Havary praŭdu!» Uładzimir Niaklajeŭ.
«Ja chaču, kab da ŭłady pryjšła novaja, maładaja kamanda, hatovaja da jaje pryjści, ale jakuju tudy nie puskaje Łukašenka. Tamu što jany chočuć rabić reformy, jany chočuć rabić toje, što pahražaje Łukašenku strataj ułady», — skazaŭ Niaklajeŭ.
Jon zajaŭlaje, što realna aceńvaje svaje mahčymaści na pasadzie prezidenta. «Ja dakładna i biezumoŭna razumieju, što ja nie budu takim „lubimym i papularnym prezidentam“, jak Alaksandr Łukašenka», — zajaviŭ Niaklajeŭ.
Pretendent na pasadu prezidenta adznačyŭ:
«Madernizujučy ekanomiku, a značyć, niepaźbiežna skaračajučy pracoŭnyja miescy ŭ tych halinach, jakija dla nas źjaŭlajucca bieśpierśpiektyŭnymi, my vydatna ŭśviedamlajem, što luby ruch nas u hetym napramku vykliča pratest».
Tym nie mienš, pradoŭžyŭ jon, usie płanavanyja reformy «dbajna raźličanyja». «Uzrovień žyćcia my naŭrad ci zmožam pavysić adrazu, ale ŭtrymać jaho na toj adznacy, jakaja isnuje ciapier, mahčymaści jość», — skazaŭ Niaklajeŭ.
Kiraŭnik vybarčaha štaba Nieklajeva Andrej Dźmitryjeŭ adznačyŭ, što raspracoŭvajecca surjoznaja prahrama pa prafiesijnaj pieraaryjentacyi tych ludziej, jakija padpaduć pad skaračeńni. «Hetaj prahramy siońnia ŭ krainie prosta nie isnuje. Kraina siońnia nie hatovaja da refarmavańnia. Ale hetaja prahrama praduhledžvaje surjoznuju libieralizacyju ŭ
Kamientary