Apošni film Ramana Palanskaha
Palityčny detektyŭ «Pryvid» — trymciennaja prypavieść pra tajamnicy i dvaistaść žyćcia.
Vialikabrytanija — Niamieččyna — Francyja, 2010, kalarovy, 128 chv.
Režysior: Raman Palanski
Roli vykonvajuć: Juen MakHrehar, Pirs Brosnan, Kim Ketrał, Alivija Ŭiljamz, Džejms Biełušy
Žanr: Kamierny palityčny tryler
Adznaka: 7,5 (z 10)
Piśmieńnikami-pryvidami nazyvajuć ludziej, jakija pišuć za inšych knihi. Žyćcio «pryvidaŭ» nieviadomaje, usia słava — imionam na vokładcy. Były brytanski premjer Adam Łenh najmaje takoha «litaraturnaha niehra», kab toj zavieršyŭ jahonuju bijahrafiju. Papiaredni piśmieńnik zahadkava patanuŭ.
Ścipły pryvid, jaki nie maje ni siamji, ni dziaciej — i palitykaj nie cikavicca traplaje ŭ vir palityčnych kanfliktaŭ.
Karcina — apošniaja stužka Ramana Palanskaha, jaki kiravaŭ mantažom z turemnaje kamiery.
U palityčnym trylery «Pryvid» vielmi redka stralajuć. Hałoŭnyja dekaracyi abmiažoŭvajucca samotnaju vyspaj i minimaliskim budynkam-krepaściu, za šybami jakoj zaŭždy doždž. Režysior zasiarodžvajecca na čystym trymcieńni, kali zahadki abvalvajucca na čałavieka, tajamnicy zaciahvajuć i nie adpuskajuć, a suśvietnyja skandały razyhryvajucca za kulisami pryvatnaha domu.
Hieroj Juena MakHrehara, uviaźnieny ŭ domie palityka — svajak «Pijanista» i svajho režysiora. Jon udzielnik znakavych padziej — nasupierak ułasnaje voli.
Na palityčnaje — i žyćciovaje scenie ŭsio nie toje, čym vam zdajecca.Pad kiraŭnictvam Ramana Palanskaha prostaja, amal płakatnaja palityčnaja historyja — stałasia trymciennaj prypavieściu.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary