Ź lehiendaŭ i kazak

U Muziei sučasnaha vyjaŭlenčaha mastactva (pr. Niezaležnaści, 47) prachodzić vystava hrafiki Paŭła Tatarnikava «Brama minułaha».

Sieryja «Brama minułaha» — 25 hrafičnych tvoraŭ, što asensoŭvajuć fakty biełaruskaj historyi praz sučasnyja płastyčnyja srodki. Hrafika, hraviura, naciurmort, partret na adnoj karcinie. Aŭtar źviarnuŭsia da vobrazaŭ Jefrasińni Połackaj, Kiryły Turaŭskaha, Francyska Skaryny, Jaŭchima Chraptoviča. Adnak na karcinach nie tolki abliččy hetych histaryčnych postaciaŭ: pałotny azdobleny krajavidami, znakavymi dla abranaj histaryčnaj asoby budynkami i pradmietami-simvałami.

Tatarnikaŭ — ilustratar. Tamu ŭsie tvory sieryi, akramia ŭdziełu ŭ šmatlikich ekspazicyjach mastactva, byli vykarystany ŭ jakaści elemientaŭ knižnaha afarmleńnia mastackaj litaratury.

«Mastak knihi pavinny być u pastajannym dyjałohu z čytačom, — kaža mastactvaznaŭca Michał Barazna. — U adroźnieńni ad mastakoŭ inšych žanraŭ, jon pavinny lubić čytača, nie kidać jaho na volu losa, apiekavacca im».

Pavieł Tatarnikaŭ — płoć ad płoci vychavaniec biełaruskaj škoły mastactva. Jon naradziŭsia ŭ Breście ŭ siamji mastakoŭ u 1971 hodzie. Vučyŭsia ŭ Akademii Mastactvaŭ na adździaleńni hrafiki. Z 1997 siabra Biełaruskaha sajuzu mastakoŭ, z 2001 akademik Biełaruskaj akademii vyjaŭlenčaha mastactva. U jaho pracach adlustravany suploty mienavita biełaruskaj historyi, a svaimi nastaŭnikami nazyvaje Vasila Šaranhoviča i Ihara Słavuka. Afarmlaje knihi pa kultury i historyi, siarod jakich biełaruski pierakład «Apovieści minułych hadoŭ» i «Zvany Niamihi». Siarod apošnich pracaŭ azdableńnie knihi Kraŭceviča «Rycary i dojlidy Harodni», vydadzienyja ŭ «Haradzienskaj biblijatecy».

Razam z tym Tatarnikaŭ — ekspartny varyjant biełaruskaha mastactva. Jon afarmlaje anhielski epas pra rycaraŭ Kruhłaha stała. (Kniha «Artur — karol Albijonu»). Hetaja knižka vyjšła ŭ Vialikaj Brytanii. Tatarnikaŭ afarmlaje skandynaŭskija kazki, kazki bratoŭ Hrym, tvory Šekśpira. Davodzić na spravie, što moŭnyja barjery lohka pieraadolvajuć vizualnyja vobrazy. U 2009 na Bracisłaŭskim knižnym bijenale Tatarnikaŭ atrymaŭ prestyžny pryz, druhi pa liku «Załaty jabłyk».

«Tatarnikaŭ — heta prykład idei «lubi svajo, trymajsia svajho i zdabudzieš suśvietny pośpiech, — ličyć mastak i adradženski dziejač Ryhor Sitnica. — Viadoma, ja nie kažu, što treba zašycca ŭ svajoj kultury, nie: treba abniać uvieś śviet, i, uvabraŭšy ad inšych kultur, davieści svaju vartaść mienavita na svaim materyjale. Jakraz hetym i zajmajecca Pavał».

• 0
• 0
• 0
• 0
• 0
• 0
• 0
• 0