A chto ich pilnavaŭ, tych receptaŭ!

U centry Miensku možna pakaštavać krambambulu, varanuju nie pramysłovym, a samatužnickim sposabam. U kaviarni «Hrunvald» (vuł. Marksa, 19) 50 h napoju kaštuje kala 4 tys. rubloŭ. Pabyvała «hrunvaldzkaja» krambambula navat na adnajmiennym poli padčas štohadovaha festu. Rycarski internacyjanał acaniŭ.

U kaviarni krambambulu varać druhi hod. «Ludzi chvalać, — kaža dyrektar «Hrunvaldu» Alaksandar Astrašeŭski. — Hety napoj žanočy. Mužčyny kažuć, što duža składany smak — śpiarša miakki, piaščotny, sałodki. Potym — specyi. Zatym vostry reštkavy smak, ale imhnienny — kab nie chaciełasia zapivać, jak harełku... Dziaŭčatam padabajecca!»

Recept krambambuli, apublikavany Edvardam Zajkoŭskim i Halinaj Tyčkaj, ź jakoha pačałasia historyja muzyčnaha prajektu, Astrašeŭski krytykuje: «Kali pakładzieš stolki hvaździkoŭ, jak napisana, atrymaješ parfumu «Čyrvonaja Maskva». Svaju krambambulu ŭ «Hrunvaldzie» vynajšli sposabam «navukovaha tyku». «A chto ich pilnavaŭ, tych receptaŭ, pa šlachieckich dvarach! Varyli, jak chto ŭmieŭ, — kaža sp.Alaksandar. — Sa specyjami možna eksperymentavać, jak chto sam lubić: niekamu padabajecca łaŭrovy list — na zdaroŭje, niechta bolš cynamonu ci piercu dadaść — taksama nie zabaraniajecca...» Adzinaje: suajčyńniki mohuć pabajacca «sapsavać» varkaj harełka. Ale j na heta jość «paratunak», uśmichajecca dyrektar «Hrunvaldu»: «Treba ŭsio addać u žanočyja ruki».

Krambambula kožnaje varki roźnicca ad inšaje. Jak łak u starych skrypičnych majstroŭ. U niejkuju traplaje bolš adnych specyjaŭ, u niejkuju — inšych. Zaležyć ad miodu. Hrecki smak bolš harkavy, lipavy — sałodki.

Śpiecyfičny napoj patrabuje specyfičnaha zajedku. U restaracyi Astrašeŭskaha na Pcičy takim zajedkam stali piražki ź miasam (jałavičyna, śvinina, navat piačonka). U «Hrunvaldzie» (na fota) padajuć hrenki z šmalcam. Namazvaješ prasmažanuju chrustkuju čornuju hrenku sumieśsiu, u jakoj na smak uhadvaješ skvarki, cybulu, jabłyki, — i nie razumieješ hreckich bahoŭ: navošta nektar i ambrozija, kali jość takaja smakata?! I hublajeśsia ŭ vybary: ci to zrabić jašče hłytok krambambuli, ci to źjeści jašče hrenku.

❏

Recept krambambuli pavodle Astrašeŭskaha:

Uziać paŭlitra harełki, adlić 100 h, źmiašać z takoju ž kolkaściu vady. Razboŭtać usio ź miodam (1—2 stałovyja łyžki). Muskatnaha arechu dadać zusim krychu. Cynamonu — nia bolš za 1 čajnuju łyžku (lepiej — mienš). Hvaździkoŭ — zusim krychu i ni ŭ jakim razie nie taŭčy: hvaździk — reč vielmi pachkaja. Čyrvonych piercaŭ dastatkova 1—2 — tolki kab na hetym nastojvałasia krambambula. Usio heta kipiacić 10 chvilinaŭ. Potym aściarožna dalić astatniuju harełku i pakinuć u pasudzinie na 5 chvilinaŭ. Pracadzić praz 4 słai marli ŭ butelku, dadać kaliva čornaha piercu.

Fota Andreja Lankieviča

• 0
• 0
• 0
• 0
• 0
• 0
• 0
• 0