Ministerstva pracy ŭviało novyja pamiery karektujučych kaeficyjentaŭ da taryfnych stavak rabotnikam biudžetnych arhanizacyj. Hetaje rašeńnie źmiaščajecca ŭ pastanovie viedamstva № 82 ad 22 červienia, apublikavanaha na sajcie ŭstanovy.
Nahadajem, 1 červienia taryfnaja staŭka pieršaha razradu dla apłaty pracy rabotnikaŭ biudžetnych arhanizacyj była pavialičana na 11% i ŭstanoŭlena ŭ pamiery 90 tys. rubloŭ.
Karektujučyja kaeficyjenty da taryfnych stavak (akładaŭ) rabotnikaŭ biudžetnych arhanizacyj i inšych arhanizacyj, što atrymlivajuć subsidyi, rabotniki jakich pryraŭnavanyja pa apłacie pracy da rabotnikaŭ biudžetnych arhanizacyj, ustanoŭleny ŭ nastupnych pamierach: z 1‑ha da 2‑ha razradu — 2,616; z 2‑ha da 3‑ha razradu — 2,290; z 3‑ha da 4‑ha razradu — 1,975; z 4‑ha da 5‑ha razradu — 1,714; z 5‑ha da 6‑ha razradu — 1,587; z 6‑ha da 7‑ha razradu — 1,465; z 7‑ha da 8‑ha razradu — 1,389; z 8‑ha da 9‑ha razradu — 1,327; z 9‑ha da 10‑ha razradu — 1,288; z 10‑ha da 11‑ha razradu — 1,232; z 11‑ha da 12‑ha razradu — 1,165; z 12‑ha da 13‑ha razradu — 1,122; z 13‑ha da 14‑ha razradu — 1,077; z 14‑ha da 15‑ha razradu — 1,032; z 15‑ha da 16‑ha razradu —1,025; z 16‑ha da 17‑ha razradu — 1,015; z 17‑ha da 18‑ha razradu — 1,010; z 18‑ha da 19‑ha razradu — 1,000; z 19‑ha da 20‑ha razradu — 0,996; z 20‑ha da 21‑ha razradu — 0,991; z 21‑ha da 22‑ha razradu — 0,987; z 22‑ha da 23‑ha razradu — 0,985; z 23‑ha da 24‑ha razradu — 0,983; z 24‑ha da 25‑ha razradu — 0,981; z 25‑ha da 26‑ha razradu — 0,980; z 26‑ha da 27‑ha razradu —0,979; pa 27‑m razradzie — 0,978.
Taryfnyja staŭki (akłady) rabotnikaŭ biudžetnych arhanizacyj vyličvajucca šlacham paśladoŭnaha množańnia zaćvierdžanaj uradam taryfnaj staŭki pieršaha razradu na adpaviednyja taryfnyja kaeficyjenty Adzinaj taryfnaj sietki rabotnikaŭ Respubliki Biełaruś i karektujučyja kaeficyjenty, havorycca ŭ pastanovie, jakaja nabyła moc 1 červienia.
Kamientary