Podpis źmieščany nad podpisam ministra finansaŭ Skota Biesenta.
U piatnicu prezident ZŠA apublikavaŭ vyjavu novaj 100‑dalaravaj banknoty sa svaim podpisam. Heta adbyłosia praź niekalki miesiacaŭ paśla taho, jak Ministerstva finansaŭ ZŠA abviaściła pra takija płany.
Jašče ŭ sakaviku ministr finansaŭ ZŠA Skot Biesent paviedamiŭ, što administracyja ŭpieršyniu płanuje raźmiaścić podpis Trampa na amierykanskich papiarovych hrašach u honar 250‑hodździa Złučanych Štataŭ, piša RBK-Ukraina.
U noč na 4 lipienia Tramp asabista pakazaŭ, jak budzie vyhladać hetaja banknota. Na vyjavie podpis kiraŭnika ZŠA raźmieščany nad podpisam Biesenta.
Raniej na 100‑dalaravaj banknocie byli tolki podpisy ministra finansaŭ i kaznačeja ZŠA, ale nie dziejnaha prezidenta. Takim čynam, pry Trampie heta adbyvajecca ŭpieršyniu.
«Układ prezidenta ŭ historyju jak architektara ekanamičnaha adradžeńnia Amieryki ŭ Załaty viek biassprečny. Raźmiaščeńnie jaho podpisu na amierykanskich hrašach nie tolki darečnaje, ale i całkam zasłužanaje», — kazaŭ Biesent u sakaviku.
Žurnalisty CNN źviarnulisia ŭ Ministerstva finansaŭ ZŠA z pytańniem, ci ŭžo drukujucca takija banknoty.
Ciapier čytajuć
Telegram vydaliŭ svoj aficyjny biełaruski kanał — vierahodna, kab nie padstaŭlać ludziej. Ale mnohija paśpieli padstavicca4
Kamientary