Pra heta zasnavalnik pošukava-vyratavalnaha atrada «Anioł» Siarhiej Koŭhan raskazaŭ u intervju Onliner.by.
Raniej infarmacyja pra źnikłych čaściej źjaŭlałasia na aficyjnych resursach. Ale, jak zaŭvažaje Siarhiej, zvyčajny čałaviek nie praviaraje apieratyŭnyja zvodki kožny dzień za kubačkam kavy. A sacyjalnyja sietki zmahli źmianić samu bačnaść biady. Navat pačali źjaŭlacca pytańni: čamu źnikłych stała tak šmat?
Nasamreč ich kolkaść nie źmianiłasia — prosta pošuki stali bolš hałosnymi. Pavodle słoŭ kiraŭnika atrada, za hod u milicyju pastupaje kala 10—11 tys. zvarotaŭ pra bieź viestak źnikłych.
Časam u Minsku čałavieka možna znajści litaralna za niekalki chvilin, kali infarmacyja raspaŭsiudžvajecca chutka. Heta asabliva važna, kali patrebnaja ekstrannaja dapamoha, bo źnikły sapraŭdy moža trapić u niebiaśpiečnuju situacyju. Časta heta pažyłyja ludzi z demiencyjaj i dzieci z asablivaściami raźvićcia.
Asobna Siarhiej raskazaŭ pra mif, jaki pošukaviki sprabujuć vyniščyć z samaha zasnavańnia atrada: čakać troje sutak dla pačatku pošukaŭ nie treba!
— My praktyčna štodzionna sprabujem danieści: niama nijakich troch sutak. Niama takoha zakona i ŭ pryncypie nikoli nie było. Kali ŭ vas jość padstavy dla tryvohi — choć praz paŭhadziny, choć praź piać chvilin — vy majecie prava źviarnucca ŭ pravaachoŭnyja orhany z zajavaj pra toje, što patrebnaja dapamoha ŭ pošuku čałavieka.
Jość važnaje praviła: PVA «Anioł» moža ŭdzielničać u pošuku bieź viestak źnikłaha čałavieka tolki paśla taho, jak blizkija padali zajavu ŭ milicyju, — jak minimum nielha biez padstaŭ raspaŭsiudžvać piersanalnyja danyja čałavieka.
— My nikomu nie možam skazać: vy paśpiašalisia, u vas niama padstavy dla zvarotu. Kali ludzi telefanujuć i źviartajucca pa dapamohu, značyć, u ich jość pryčyny bić tryvohu: takoha raniej nie zdarałasia, telefon staŭ niedastupny, u źnikłaha jość prablemy sa zdaroŭjem, dziciačy ci pažyły ŭzrost, isnujučyja damoŭlenaści, asablivyja abstaviny.
«Kali źnikaje dzicia, hramadskaść adrazu padymajecca. ŚMI biaruć infarmacyju, ludzi robiać reposty. A kali źnikaje babula z strataj pamiaci, heta zvyčajnaja paŭsiadzionnaja aryjenciroŭka, na jakuju tak nie reahujuć. Ja liču, što heta ŭ korani niespraviadliva. Dla nas luby zvarot pra źnikłaha čałavieka važny», — zaznačyŭ Siarhiej Koŭhan.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1111
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?11
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary