U Viciebsku abvieščany vyšuk 15‑hadovaj Uljany Bierahoj, jakaja źnikła try dni tamu. Jak paviedamlaje pošukava-vyratavalny atrad «Anioł», dziaŭčynka syšła z domu jašče 5 sakavika i da hetaha času nie viarnułasia.
Apošni raz dziaŭčynku bačyli na Maskoŭskim praśpiekcie ŭ abłasnym centry, paśla čaho jaje suviaź ź blizkimi abarvałasia.
Prykmiety źnikłaj: rost kala 165—170 santymietraŭ, narmalny ciełaskład. U Uljany ciomnyja vałasy daŭžynioj nižej łapatak, pry hetym končyki aśvietlenyja.
Vałanciory i ratavalniki prosiać žycharoŭ horada i vobłaści źviarnuć uvahu na fota i apisańnie dziaŭčynki, bo lubaja infarmacyja moža stać vyrašalnaj u pošukach.
Pošukavy atrad zaklikaje ŭsich, chto maje źviestki pra miescaznachodžańnie padletka ci bačyŭ jaje paśla 5 sakavika, nieadkładna paviedamić pra heta na haračuju liniju PSO «Anioł» pa karotkim numary 7733 abo ŭ milicyju.
Kamientary