Niaklajeŭ zatrymany jak padazrony pa kryminalnaj spravie ab raspaŭsiudžvańni zaviedama niepraŭdzivaj infarmacyi.
Paśla dopytu 19 traŭnia namieśnik načalnika śledztva Leninskaha RAUS Alaksandar Kaścievič paviedamiŭ, što lider hramadzianskaj kampanii «Havary praŭdu» Uładzimier Niaklajeŭ zatrymany jak minimum na troje sutak i budzie źmieščany ŭ turmu na Akreścina, paviedamlaje Radyjo Svaboda.
Uładzimir Niaklajeŭ zatrymany jak padazrony pa kryminalnaj spravie. Jak paviedamiła advakat Marjana Siamieška, abvinavačańnie jaje padabaronnamu pakul nie vystaŭlena.
Pavodle słovaŭ žonki piśmieńnika Volhi, joj paviedamili, što viečaram muža adviazuć u izalatar časovaha ŭtrymańnia na Akreścina, ale pakolki niama kanvoju, da viečara Uładzimir Niaklajeŭ budzie zastavacca ŭ Leninskim RUUS.
***
Paśla 11-j pačaŭsia dopyt Niaklajeva ŭ Leninskim RUUS. Nikoha tudy nie puskajuć, u kabiniecie tolki advakat i dźvie śledčyja, žonka zmahła pieradać mužu vady.
Zastajecca taksama niavyśvietlenym, jak Niaklajeva ŭčora, 18 maja, z ofisa hramadskaj kampanii «Havary praŭdu» pieravieźli viečaram dachaty rabić pieratrus. Praz hałoŭny ŭvachod piśmieńnika nie vyvodzili, mahčyma, vyvodzili tajna praz padvał.
SM
***
Niaklajeva zatrymali ŭnačy ŭ aŭtorak paśla pieratrusu ŭ jahonaj kvatery. Kali Niaklajeva vyvodzili, jon źviarnuŭsia da śledčych z pytańniem čamu jaho viazuć na dopyt unačy, kali zakanadaŭstva patrabuje rabić heta dniom.
«Pad čas pieratrusu ŭziali dva kamputary (adzin ź ich ‑‑ moj), fłeški, dyski (u tym liku i ź filmam Dašuka), staruju «Narodnuju volu, natatniki, papiery, usio, što lažała na piśmovym stale, ‑‑ skazała žonka paeta Volha. ‑‑ U pratakole, jaki mnie pakinuli, taksama paznačana, što ŭziataja kniha «Leŭ Sapieha — pieršy prezydent BNR». U nas raniej złamaŭsia kamputar, i ŭsie teksty, jakija Vałodzia napisaŭ u apošnija siem hadoŭ, my pierahnali na fłešku. Vałodzia prasiŭ ich, kab jany nie ścirali, kab usio zachavałasia. Jany adkazali, što jany tolki źbirajuć, a hladzieć buduć inšyja ludzi. Ja pieradała jamu vadu i krychu pajeści (jon nia jeŭ uvieś dzień, pakul išli pieratrusy). Dziažurny milicyjant skazaŭ, što pakinuć jaho u RUUS da ranicy, a 9‑aj pačniecca dopyt. A potym, napeŭna, paviazuć na Akreścina».
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały3
Kamientary