«Jon zrabiŭ Łatviju Łatvijaj», — napisaŭ prezident krainy Edhar Rynkievič.
Znakamity łatvijski kampazitar śviatkuje siońnia jubilej, jamu 90 hadoŭ.
«Rajmand Paułs dla Łatvii — heta bolš, čym kampazitar. Rajmand Paułs — heta cud. Bo ŭ jaho ŭsio atrymlivajecca. Maestra vałodaje dziŭnaj zdolnaściu samym niezvyčajnym čynam dasiahać kožnaha słuchača — i zaŭsiody nas ździŭlać. Maestra robić Łatviju Łatvijaj, bo jaho muzyka navučyła ŭsiu krainu adčuvać: radavacca i hanarycca, złavacca, adčuvać trapiatańnie i ščyry sum», — napisaŭ u vinšavańni prezident Edhar Rynkievič.
«Rajmand Paułs stvaryŭ nie prosta hukavuju darožku našych žyćciaŭ. Zdajecca, jaho muzyka była zaŭsiody i budzie zaŭsiody — jak uschod sonca na ŭschodzie i zachad sonca na zachadzie», — dadaŭ jon.
Rajmand Paułs naradziŭsia 12 studzienia 1936 hoda ŭ Ryzie ŭ niamieckaj-łatyšskaj siamji škłovydzimalščyka i vyšyvalščycy žemčuham. Tata byŭ muzykantam-amataram.
Maleńki Rajmand jašče ŭ dziacinstvie ihraŭ na fartepijana. Skončyŭ Łatvijskuju kansiervatoryju, paralelna z vučobaj pracavaŭ pijanistam u estradnych arkiestrach prafsajuznych kłubaŭ aŭtadarožnikaŭ i miedycynskich rabotnikaŭ, kancertmajstram u fiłarmonii. Ihraŭ u restaranach, vyvučyŭšy džazavych kłasikaŭ i sučasnyja pieśni. Svaju pieršuju muzyku pisaŭ dla Teatra lalek.
Z 1978 pa 1982 hod byŭ dyryžoram Arkiestra lohkaj i džazavaj muzyki Łatvijskaha radyjo i telebačańnia. Pieršy muzykant, jaki vystupiŭ u «Muzyčnaj paŭzie» telehulni «Što? Dzie? Kali?» u studzieni 1979 hoda. Z 1982 pa 1988 hod — hałoŭny redaktar muzyčnych pieradač Łatvijskaha radyjo.
Aŭtar šmatlikich chitoŭ dla Łajmy Vajkule. Ały Puhačovaj, Valeryja Lavonćjeva, Aji Kukule, Ojarsa Hrynbierhca, Nory Brumbierie, Edzity Pjechi.
Časta pieśni spačatku pisalisia na łatvijskaj movie, a potym pierakładalisia na ruskuju, jak viadomy «Miljon punsovych ružaŭ» Ały Puhačovaj spačatku byŭ Dāvāja Māriņa ŭ vykanańni Aji Kukule, ci «Listy žoŭtyja» — Lapa zarā (Apošni list) u vykanańni Marharyty Viłcanie i Ojarsa Hrynbierhsa.
U saviecki čas Paułs nie byŭ členam Kamunistyčnaj partyi Łatvii, jon abiraŭsia deputatam Viarchoŭnaha Savieta Łatvijskaj SSR 11‑ha sklikańnia (1985—1990). Paźniej staŭ narodnym deputatam SSSR (1989—1991) ad Narodnaha frontu Łatvii. U 1989‑1993 hadach byŭ ministram kultury Łatvii.
-
«Mnie strašenna padabajucca kiepskija mužčyny». Śviatłana Kurs raspaviała, jak pisała svaju pieršuju knihu
-
«Ništo tak nie zaachvočvaje pisać, jak nuda». 50 hadoŭ tamu pamierła Ahata Kryści. Jak pisała heta hienijalnaja žančyna?
-
Biełaruska paluje na tradycyjnyja samatkanyja pościłki va ŭsioj krainie — pahladzicie, kolki ekspanataŭ jana ŭžo vykupiła ŭ babul FOTY
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary