ZŠA zachapili jašče adzin tankier cieniavoha fłotu. Heta ŭžo druhoje zatrymanaje sudna za apošniuju hadzinu
Paŭdniovaje kamandavańnie Uzbrojenych sił ZŠA (SOUTHCOM) paviedamiła pra zachop u Karybskim mory tankiera Sophia. Heta druhi padobny incydent ciaham adnaho viečara paśla zatrymańnia sudna Marinera ŭ Paŭnočnaj Atłantycy.
Amierykanskija vajskoŭcy apublikavali kadry ŭziaćcia sudna na abardaž. U aficyjnaj zajavie havorycca, što tankier dziejničaŭ u mižnarodnych vodach i ažyćciaŭlaŭ «niezakonnuju dziejnaść». Tankier Sophia charaktaryzujuć jak «sudna biez hramadzianstva», jakoje znachodzicca pad sankcyjami.
Zachop adbyŭsia ŭ miežach apieracyi «Paŭdniovaja dzida» (Operation Southern Spear).
«My budziem abaraniać našu Radzimu i adnaŭlać biaśpieku i moc pa ŭsioj Amierycy», — padkreślili ŭ Paŭdniovym kamandavańni ZŠA.
Ciapier Bierahavaja achova ZŠA supravadžaje tankier dla dalejšych pracedur utylizacyi ci kanfiskacyi.
Dakładnaja prynaležnaść sudna pakul udakładniajecca, adnak šerah krynic vykazvaje zdahadki, što jano, jak i papiaredniaje, moža być źviazana z Rasijaj. Kali intaresy Rasii paćvierdziacca, heta budzie aznačać maštabnuju eskałacyju siłavoha supraćstajańnia na mory i palavańnie na tak zvany cieniavy fłot.
Nahadajem, krychu raniej stała viadoma pra vysadku amierykanskaha desanta na tankier Marinera (Bella 1), jaki sprabavaŭ schavacca pad rasijskim ściaham. U MZS Rasii raniej zajaŭlali, što pilnaja ŭvaha ZŠA i NATA da takich sudnaŭ «niesuraźmiernaja ich statusu».
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?8
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary