Piataja častka kantentu, jaki YouTube prapanuje novym karystalnikam, stvorana štučnym intelektam
Bolš za 20% videa, jakija YouTube rekamienduje novym karystalnikam, — heta nizkajakasny kantent, stvorany štučnym intelektam. Dachod ad prahladaŭ takich rolikaŭ składaje kala 117 miljonaŭ dalaraŭ na hod, paviedamlaje Guardian sa spasyłkaj na daśledavańnie kampanii Kapwing.
Analityki apytali 15 tysiač samych papularnych YouTube-kanałaŭ u śviecie, u tym liku 100 najlepšych u kožnaj krainie, i vyjavili, što 278 kanałaŭ źmiaščajuć tolki ŠI-kantent. Sumarna hetyja kanały nabrali bolš za 63 miljardy prahladaŭ i 221 miljon padpisčykaŭ.
U jakaści ekśpierymientu daśledčyki stvaryli novy kanał i vyśvietlili, što z 500 pieršych rekamiendavanych videa 104 byli nizkajakasnym ŠI-kantentam.
Choć YouTube uvioŭ abmiežavańni na «nieaŭtentyčny kantent», u hetym hodzie amal 10% kanałaŭ, jakija najchutčej rastuć, publikavali videa, stvoranyja ŠI.
Siarod samych papularnych ŠI-kanałaŭ u śviecie:
- Bandar Apna Dost (Indyja) — 2,4 miljardy prahladaŭ, 4,25 miljona dalaraŭ dachodu; pakazvaje pryhody małpy i muskulistaha piersanaža.
- Pouty Frenchie (Sinhapur) — 2 miljardy prahladaŭ, 4 miljony dalaraŭ; pryhody francuzskaha buldoha.
- The AI World (Pakistan) — 1,3 miljarda prahladaŭ; pakazvaje pryrodnyja katastrofy ŭ Pakistanie.
Najhoršaja ŭ Jeŭropie. Biełaruś siarod aŭtsajdaraŭ u suśvietnym rejtynhu ŠI
«Čałaviekam hoda» pa viersii Time stali adrazu vaśmiora «architektaraŭ štučnaha intelektu»
«Vydalicie nieadkładna»: ekśpierty zaklikali biznes terminova zabłakavać ŠI-braŭziery
The New York Times padała ŭ sud na startap, zasnavany biełarusam
Kamientary