Premjer Litvy: Na nastupnym tydni abvieścim nadzvyčajnuju situacyju
Pakolki patok mieteazondaŭ z kantrabandaj praciahvaje parušać rabotu Vilenskaha aeraporta, urad na nastupnym tydni abvieścić nadzvyčajnuju situacyju, zajaviła premjer-ministr Inha Ruhinienie, paviedamlaje Delfi.lt.
«U dadzieny momant raspracoŭvajecca pravavaja baza i dakumienty dla nadzvyčajnaj situacyi. (…) Śpiecyjalisty pryniali rašeńnie, što forma nadzvyčajnaj situacyi budzie aptymalnaj na siońniašni dzień, i ja prysłuchoŭvajusia da ich mierkavańnia, tamu my abvieścim (nadzvyčajnuju situacyju) na nastupnym tydni», — zajaviła Inha Ruhinienie žurnalistam. «Kali situacyja źmienicca, my nie vyklučajem mahčymaści pahłybleńnia», — padkreśliła jana.
«Kali situacyja źmienicca, my nie vyklučajem mahčymaści pahłybleńnia», — padkreśliła jana.
U toj ža čas, aceńvajučy sustreču, što adbyłasia ŭ piatnicu, ź lidarami frakcyj Siejma, premjer-ministr zapeŭniła, što jana była karysnaj. Pa jaje słovach, pry abmierkavańni mier pa baraćbie z praciahłym kryzisam, źviazanym z šarami, parłamientaryj prajavili aktyŭnaść i dziełavitaść.
«Dziakuj im (lidaram frakcyj) za aktyŭnaść, dziełavitaść — mienavita heta jany siońnia prademanstravali. Niahledziačy na toje, što ŭ publičnaj prastory ŭ nas mohuć być roznyja mierkavańni, siońnia na sustrečy my sapraŭdy ŭbačyli ahulny padychod», — skazała I. Ruhinienie žurnalistam paśla pasiadžeńnia Urada.
U razmovie z premjer-ministram uziali ŭdzieł lidary apazicyjnych kansiervataraŭ, libierałaŭ, demakrataŭ «U imia Litvy» i starasta Źmiešanaj hrupy deputataŭ Siejma.
Staršynia kansiervataraŭ Łaŭrynas Kaščunas paśla sustrečy zapeŭniŭ, što, kali Litvie nie ŭdasca dasiahnuć vynikaŭ u vyrašeńni kryzisu z šarami ŭ supracoŭnictvie z ZŠA, nieabchodna pradpryniać kankretny płan, jaki palityk nazvaŭ «Pažadańni Łukašenki».
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary
Kaščunas chvastom pavilaje i ŭsio Łukašenku pryniasie, jak sabačka miačyk?