Jak paviedamlajuć rasijskija ŚMI, abodva členy ekipaža zahinuli.
Rasijski źniščalnik upaŭ u Pryaniežskim rajonie Karelii. Heta niedaloka ad stalicy respubliki Pietrazavodska, kala haradskoha aeraporta. Padrabiaznaści pakul nieviadomyja.
Spačatku paviedamili, što raźbiŭsia źniščalnik Su-30. Telehram-kanał Shot, adnak, piša, što heta byŭ nie Su-30, a Su-27.
Paviedamlajecca, što na miesca padzieńnia samalota nakiravalisia ekstrannyja słužby.
Ministerstva abarony Rasii praz peŭny čas paćvierdziła padzieńnie samalota Su-30 i hibiel ekipaža. Pa jaho słovach, avijakatastrofa zdaryłasia pry vykanańni vučebna-trenirovačnaha palotu.
Pa źviestkach viedamstva, krušeńnie adbyłosia 13 listapada kala siomaj hadziny viečara pa maskoŭskim časie (supadaje ź minskim).
«Samalot upaŭ u biaźludnym rajonie. Palot vykonvaŭsia biez bojekamplekta», — havorycca ŭ paviedamleńni, jakoje pryvodzić rasijskaje ahienctva «Interfaks».
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary