Ministr zamiežnych spraŭ Litvy nazvaŭ umovu, kali Vilnia moža adkryć miažu ź Biełaruśsiu

Pa słovach ministra, miažu mahli b adkryć, kali b Biełaruś pierastała abvastrać situacyju «da miežaŭ haračych faz».

«Łukašenka biare zakładnikaŭ i sprabuje pierakrucić usiu situacyju ŭ niejkaje, nibyta, nieparazumieńnie, jakoje patrabuje pieramovaŭ — heta padmanlivaje paviedamleńnie dla ŭsich. Bo sutnaść u tym, što pačałasia hibrydnaja ataka. Jak my vyrašym hetuju situacyju? Kali Łukašenka pierastanie pieraškadžać našamu pavietranamu ruchu, pierastanie stvarać pahrozu NATA, jon stvaraje pahrozu Jeŭrapiejskamu sajuzu, jon znachodzicca na miažy eskałacyi navat da haračych faz. Kali jon heta spynić, my tady zmožam adkryć miežy», — skazaŭ Budrys u efiry LRT Radijas u sieradu.

«Režym pavinien kantralavać mietearałahičnyja šary, pierastać pieraškadžać našamu pavietranamu ruchu, i ŭ nas nie zastaniecca pryčyn trymać zakrytymi pamiežnyja punkty. Režym vyrašyŭ dalej abvastrać i brać u zakładniki majomaść našych kampanij, našy pradpryjemstvy i takim čynam pavialičvać napružanaść. My nie pavinny paddavacca i hublać fokus», — padkreśliŭ jon.

Ministr adznačyŭ, što pra situacyju ź Biełaruśsiu była painfarmavanaja i «ŭklučanaja ŭ hetuju temu» administracyja ZŠA, jakaja, jak jon spadziajecca, pastavić hetaje pytańnie siarod pryjarytetnych u svaim paradku dnia. «Toje, što robić Łukašenka, jon robić suprać sajuźnika amierykancaŭ. My nie ŭ toj katehoryi, dzie znachodzicca Biełaruś, my sajuźniki, jakija adzin adnamu abiacali abaraniać žyćciova važnyja intaresy», — padkreśliŭ Budrys.

Pavodle jaho słoŭ, nielha vieści pieramovy z režymam, jaki «instrumientalizuje i ŭzbrojvaje ŭsio, što maje pad rukoj».

«My kažam amierykancam: hladzicie, ciapier, kali vy sprabujecie źmianić situacyju, jany vykarystoŭvajuć jaje dla taho, kab škodzić nam (…). Tamu ja maju nadzieju, što (ZŠA) jašče raz padumajuć, čym zajmajecca režym, i spyniać hetuju dziejnaść, bo jany majuć usie instrumienty, kab jaje spynić», — skazaŭ Budrys.

Na hetym tydni ministr, jaki sustreŭsia ŭ Vašynhtonie ź dziaržaŭnym sakratarom ZŠA Marka Rubia i śpiecyjalnym pasłańnikam ZŠA pa Biełarusi Džonam Koŭłam, adznačyŭ, što pazicyja Litvy pačutaja i amierykancy joju cikaviacca.

***

Litva zakryła miažu ź Biełaruśsiu ŭ kancy kastryčnika da 30 listapada paśla taho, jak pavietranuju prastoru krainy niekalki razoŭ parušali mieteazondy ź Biełarusi, u vyniku čaho zakryvaŭsia aeraport Vilni.

U vyniku zakryćcia litoŭska-biełaruskaj miažy z-za mietearałahičnych zondaŭ u Biełarusi zastalisia kala 1100 litoŭskich fur. Łukašenka zahadaŭ brać ź litoŭskich dalnabojščykaŭ pa 120 jeŭra za sutki na stajancy, a ŭ tych, chto nie budzie płacić, zabirać mašyny. 

11 listapada ministru zamiežnych spraŭ Biełarusi Maksimu Ryžankovu daručana pačać pieramovy ź litoŭskimi kalehami. Alaksandr Łukašenka pastaviŭ zadaču narmalizavać situacyju na miažy i damovicca pra adkryćcio punktaŭ propusku.

• 13
• 1
• 0
• 13
• 0
• 0
• 0
• 0