Vystaŭleny na tarhi fizkulturna-azdaraŭlenčy kompleks «Haryzont» u centry Minska
AAT «H Chołdynh» vystaviła na tarhi były fizkulturna-azdaraŭlenčy kompleks, raźmieščany na vuł. Kujbyšava, 41, u Minsku. Jaho płošča amal 5,5 tys. kv. m, i jaho možna vykarystoŭvać pad abjekt śfiery pasłuh, skazana ŭ apisańni abjekta na placoŭcy Kufar.

Pavodle niepasrednaha pryznačeńnia budynak nie vykarystoŭvajecca davoli daŭno, ale tam jość arandatary. Paviedamlajecca, što heta «kramy spartyŭnaha pryznačeńnia, a taksama abjekty śfiery pasłuh», paviedamlaje Office Life.
Z dakumientaŭ vynikaje, što heta śpiecyjalizavany budynak fizkulturna-azdaraŭlenčaha i spartyŭnaha pryznačeńnia. Za jaho prosiać kala 6,96 młn rubloŭ. Adkryty aŭkcyjon zapłanavany na 25 listapada.
Tearetyčna budynak davoli cikavy, pierš za ŭsio svaim miescam raźmiaščeńnia. Tam vydatnaja transpartnaja dastupnaść i dobry piešachodny trafik. Asabliva letam u suviazi z raźmieščanaj pobač «Piasočnicaj».
Niadaŭna paviedamlałasia, što «H Chołdynh» trapiŭ pad novyja sankcyi ES. Tudy ž trapiła i UP «IŁT Haryzont».
Kamientary